Ինչո՞ւ Արգամն ու Բագրատը վարչապետին չեն բացատրում, թե ինչ է նշանակում գողական
Վերջապե՜ս...Վարչապետ Հովիկ Աբրահամյանն այսօր որոշեց Ազգային ժողովում պատասխանել լրագրողների հարցերին: Ստորեւ ներկայացնում ենք հատված՝ այդ հարց ու պատասխանից:
-Պարոն վարչապետ, Ռոբերտ Քոչարյանի հնարավոր վերադարձը վտանգ չէ՞ իշխանության համար:
-Ես որևէ սպառնալիք չեմ տեսնում որևէ քաղաքական ուժի, որևէ անհատի մասնակցության հարցում ապագա ընտրություններում: Շատ նորմալ եմ համարում դա, ընտրում է ժողովուրդը, յուրաքանչյուր քաղաքական ուժ եւ անհատ իրավունք ունի մասնակցելու, մենք խոչընդոտելու իրավունք չունենք:
-Իսկ հնարավո՞ր է, որոշում լինի՝ Քոչարյանին էլ բամփեք:
-Հարցը ի՞նձ եք ուղղում: Իսկ ո՞ւմ ենք մենք որոշում կայացրել, որ պիտի բամփենք:
-Գագիկ Ծառուկյանին:
-Դուք սխալ եք, կգնաք, ուշադիր կլսեք իմ հայտարարությունը:
Դա ձեզ և մի քանի քաղաքական գործիչներին շատ է հետաքրքրում, այս երկրում ուրիշ պրոբլեմ չունե՞նք, ներքին ու արտաքին մարտահրավերներ, դուք ման եք գալիս բամփել, ստուգումներ և այլն: Ես ձեզ խորհուրդ եմ տալիս՝ դա որևէ հաջողություն չի բերելու: Ինչ վերաբերում է բամփելուն, ես դա ընդհանուր եմ ասել, որևէ անձի դեմ ուղղված չէ:
-Իսկ դուք տեսնո՞ւմ եք, թե ով կլինի երկրի հաջորդ նախագահը:
-Ոչ, ես նման հարց չեմ քննարկել, ես դա կոռեկտ չեմ համարում, որ նման հարց քննարկեմ, քանի որ դեռ երեք տարի կա, նախագահը դեռ աշխատում է:
ԲՀԿ նախկին առաջնորդ, խնամի Ծառուկյանին բամփել-չբամփելու գործը «հորով մորով» անելուց հետո, վարչապետ Աբրահամյանը պատասխանեց նաեւ Fnews.am-ի հարցադրմանը, թե ինչպե՞ս է վերաբերում այն փաստին, որ իր որդի Արգամ Աբրահամյանը, եւ ՀՀ վարչապետի «աջ ձեռք» Բագրատունի Բարսեղյանը ներկա են գտնվել քրեական հեղինակություն՝ Նորադուզցի Ալիկի ծննդյան արարողությանը: Ահա թե ինչպես արձագանքեց մեր հարցին վարչապետ Աբրահամյանը.
-Դուք ել ե՞ք էնտեղ եղել:
-Դա ի՞նչ կապ ունի:
-Ե՞րբ է եղել դա:
-Հավանաբար անցյալ տարի:
-Խնդրում եմ ճշտեք, հետո ինձ կասեք՝ կխոսենք:
-Բայց ինչպե՞ս եք վերաբերում բուն փաստին: Ասում էիք, որ Ձեր տղան գողականների հետ կապ չունի…
-Իսկ ի՞նչ է նշանակում գողական, քրեական հեղինակություն:
-Փաստորեն չգիտեք՝պարոն վարչապետ:
-Չէ ՜՜,՜ծիծաղում է(Գ.Զ): Ի՞նչ է դա նշանակում:
-Պարոն Աբրահամյան, հենց այդպես էլ նշանակում է. քրեական, թաղային հեղիանակություն…Դուք ոչ մեկին չեք ճանաչում հա՞ փաստորեն:
-Չեմ ճանաչում, չէ:
-Բայց փաստը դատապարտում ե՞ք:
-Այո միանաշանակ, բայց Ձեզ էլ եմ դատապարտում, որ անազնիվ եք:Դա իմ հետ ի՞նչ կապ ունի:
-Ինչո՞ւմ ենք անազնիվ պարոն Աբրահամյան, կասե՞ք:
-Չեմ հասկանում դա ինձ հետ ի՞նչ կապ ունի:
-Բագրատունի Բարսեղյանն է՞լ Ձեզ հետ կապ չունի:
-Բագրատը Ձեր ընկերը չի՞:
-Ձեր ընկերն է, ինչո՞ւ է մեր ընկերը:
-Բա ես էլ գիտեմ, լավ հարաբերությունների մեջ ե՞ք:
Հ. Գ.
Փաստորեն Արգամիչը չգիտի, թե ինչ է նշանակում քրեական հեղիանակություն, կամ գողական: Ա'յ, եթե Արգամիչը դիմեր որդի Արգամ Աբրահամյանին ու իր Բագրատին, ապա դժվար թե նրանք զլանային մեր աստվածատուր վարչապետին բացատրելու, թե ովքեր են գողականններն ու քրեական հեղինակությունները:
Արգամի'չ, գողականն էնա, որ օրինակ իրանց տորթերի վրա անգամ восьмиугольник ա «խփած», իսկ մեր ու Ձեր նման սովորական մահկանացուներս ընդամենը համեստ մոմերից ենք խանդավառվում:
Գայանե Զարգարյան