Լյուդմիլա Սարգսյանը՝ ԲՀԿ խողովակներից հնարավոր ֆինանսավորման, ընդդիմադիր հատվածում տիրող տրամադրությունների ու ՀԱԿ-ԲՀԿ «վաղեմի սիրավեպի» մասին.VIDEO
ՀԱԿ խմբակցության պատգամավոր Լյուդմիլա Սարգսյանն այն կարծիքն է, որ նույնականացման քարտերով քվեարկությունն իր մեջ պարունակում է լրջագույն ռիսկեր և կարող է կասկածի տակ դնել հանրաքվեի ամբողջ գործընթացը:
Պատգամավորուհին խնդրահարույց համարում այն հանգամանքը, որ նույնականացման քարտերի վրա հնարավոր չէ դրոշմակնիք դնել, ինչը բավականին արդյունավետ ձևով կարող է կանխարգելել նույն անձի կողմից մի քանի անգամ քվեարկելը: Միաժամանակ նախագծով որևէ էլեկտրոնային տեխնիկական լուծում չի առաջարկվում, որով ընտրական հանձնաժողովի անդամը հնարավորություն կստանար տեխնիկական սարքի օգնությամբ նշում անել նույնականացման քարտի վրա, որով կբացառվեր նույն ընտրողի կողմից այլ ընտրատեղամասերում քվեարկությանը մասնակցելը: Ահագնացող արտագաղթի պայմաններում միայն ընտրելու իրավունք ունեցող քաղաքացիների նման մեծ թիվը վիճելի է և կասկածի տեղիք է տալիս: Եթե սրան ավելացնենք, որ ընտրությունից ընտրություն ժողովրդի սոցիալ-տնտեսական ծանր վիճակը պարբերաբար շահարկվում է ընտրությունների դրական արդյունքների ապահովման նկատառումով, ապա պատկերը պարզվում է:
Սա է ըստ էության ընդդիմադիր պատգամավորի քննադատությունը՝ նույնականացման քարտերի վերաբերյալ:
Իսկ թե առհասարակ, ի՞նչ է անում ՀԱԿ խմբակցությունը ազատ արդար ընտրությունների կայացման ուղղությամբ, եւ թե արդյո՞ք ՀԱԿ-ն էլ իր ներսում խնդիրներ չունի լուծելու, եւ վերջապես վայելո՞ւմ է ընդդիմադիր հատվածը ժողովրդի վստահությունը թե՞ ոչ, այս եւ մի քանի այլ հարցերի շուրջ Fnews.am-ը փորձեց ստանալ Լ. Սարգսյանի մեկնաբանությունը, ում կողմից տրված պատասխանները ներկայացնում ենք առաջարկվող տեսանյութում: