Ամեն ինչ անելու եմ, որ մեղավորները պատժվեն. Աիդա Սարգսյանը կապացուցի, որ մոր մահվան մեջ մեղավոր են բժիշկները

Երգչուհի Աիդա Սարգսյանն իր մոր մահվան մեջ մեղադրում է բժիշկներին։ NEWS.am-ի հետ զրույցում երգչուհին նշեց, որ իր մորը բժիշկներն առանց իր գրավոր համաձայնության գաստրոսկոպիա են արել, որի ընթացքում էլ վնասել են անոթը եւ նա արնաքամ է եղել։

«Անգրագետ բժիշկները մորս ողնաշարն ուղղելու փոխարեն ստամոքսի խոց առաջացրին: Վերջերս  կրկնակի անալիզներ հանձնեցինք, ամեն ինչ մաքուր էր։  Ողնաշարը ցավում էր, բայց անցած տարի վերականգնել էինք ուժերը, որ կարողանար քիմիաթերապիա անցնել։ Մայրիկս նորից գնացել էր բժիշկների մոտ՝ մտածելով, որ կկարողանան ուժերը վերականգնել, այդ ժամանակ բժիշկներն արյուն են տեսել, բայց ոչ մի բան չեն ձեռնարկել, մտածում էին, որ ողնաշարի խնդիրն ա, բան չէին անում»,- ասաց Աիդա Սարգսյանը:

Աիդա Սարգսյանի խոսքով` իր մորը բուժող բժիշկն առանց անալիզներ վերցնելու, իրեն ասել է, որ  ձեռքով  շոշափել եւ  զգացել է, որ մոր լյարդը քայքայված է ու մետաստազ կա, կերակրափողը եւ ներքին օրգանները քայքայված են։

«Դիմեցի այլ բժշկի, ասաց, որ ձեռքով շոշափելով հնարավոր չէ հաստատել, որ մետաստազ է, ու ասաց, որ անպայման անալիզներ հանձնել է հարկավոր։ Հետո պարզվեց, որ մայրիկիս մոտ կյանքին սպառնացող խնդիր չկա, ուղղակի արյունահոսությունը կանգնեցնել է պետք։ Մինչ այդ մայրս գիշերը մնում էր հիվանդանոցում, որտեղ ինչ-որ անոթները բացող սիստեմաներ են միացրել, որից հետո զանգեցին, ասացին ձեր հիվանդը մահամերձ է։ Մենք ճարեցինք առաջին բացասական խմբի արյունը, որից հետո մայրս հաջորդ օրն իրեն շատ լավ էր զգում, չէր արյունահոսել»,-ասաց Աիդա Սարգսյանը։

մանրամասն՝ այստեղ: