Խոշոր ավտովթար Երևան-Սևան ճանապարհին. բախվել են Mitsubishi Grandis-ն ու ГАЗ 3110-ը. կան վիրավորներ. 5 վիրավորներից 3-ը ծայրահեղ ծանր են

Այսօր` նոյեմբերի 4-ին, խոշոր ավտովթար է տեղի ունեցել Կոտայքի մարզում: Ժամը 15:30-ի սահմաններում Երևան-Սևան ավտոճանապարհի Չարենցավանի վարչական տարածքում բախվել են Երևան քաղաքի Տիգրան Մեծի 8-րդ նրբանցքի 8-րդ տան բնակիչ, 40-ամյա Հայկ Նազարյանի վարած Mitsubishi Grandis մակնիշի 34 NV 385 համարանիշի և Արմավիրի մարզի Արաքս գյուղի բնակիչ, 45-ամյա Մխիթար Մխիթարյանի վարած ГАЗ 3110 մակնիշի 24 ՕՏ 181 համարանիշի ավտոմեքենաները: Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 2 վարորդներն ու Mitsubishi-ի ուղևորներ, Եղեգնաձոր քաղաքի Կամոյի փողոցի թիվ 22 տան բնակիչներ, ֆելիքս Խաչատրյանն ու Սիլվա Շահբազյանը և Երևան քաղաքի Նորագավիթ 1-ին փողոցի բնակիչ, Սուսաննա Մովսիսյանը մարմնական վնասվաքներով տեղափոխվել են` մի մասը` Չարենցավանի, մի մասը` Հրազդանի բժշկական կենտրոններ: Օպերատիվորեն դեպքի վայր են ժամանել ճանապարհային ոստիկանության 2-րդ սպայական գումարտակի 3-րդ վաշտի 2-րդ դասակի աշխատակիցները` վաշտի հրամանատար Արթուր Պետրոսյանի , հրամանատարի տեղակալ Երվանդ Ալեքսանյանի և դասակի հրամանատար Կարեն Ներսիսյանի գլխավորությամբ:

Ժամանել է նաև ոստիկանության Չարենցավանի բաժնի օպերատիվ խումբը` Չարենցավանի ոստիկանապետ Սամվել Տոնոյանի գլխավորությամբ: Դեպքի վայրում հավաքվածներն էլ ասում էին, որ վիրավորներից 2-ին շտապօգնության ավտոմեքենայով Չարենցավանի ոստիկանապետն է ուղեկցել հիվանդանոց: Ժամանել է նաև Չարենցավանի հրշեջ-փրկարարական ջոկատը` 1 մարտական հաշվարկով: Վթարի մասին ՃՈ օպերատիվ կառավարման կենտրոնից տեղեկությունը փոխանցել են Հայաստանի քննչական կոմիտեի Կոտայքի մարզային քննչական վարչության Չարենցավանի քննչական բաժին, որտեղից դեպքի վայր է ժամանել քննչական խումբը` բաժնի պետ Արման Զարգարյանի գլխավորությամբ: Փաստի առթիվ քննչական բաժնում նյութեր են նախապատրաստվում:

 մանրամասները՝ shamshyan.com-ում: