2016 թվականին կանխատեսվում է, որ կուտակային կենսաթոշակային համակարգում մասնակիցների թիվը կհասնի 136 հազարի. Հակոբ Հակոբյան

Ազգային ժողովի սոցիալական հարցերի մշտական հանձնաժողովի նախագահ Հակոբ Հակոբյանը լրագրողների հետ զրույցում կենսաթոշակային չորրորդ տարեկան միջազգային համաժողովի ընթացքում ադրադարձավ կուտակային կենսաթոշակային համակարգին` ասելով, որ կուտակայինը միակ ելքն է աշխարհում և կմնա , որպեսզի հասարակության թոշակի չափը հաստատվի ոչ թե կենսաթոշակային տարիքի անցնելու ժամանակ, այլ մինչև այդ: 2016 թվականին կանխատեսվում է, որ կուտակային կենսաթոշակային համակարգում մասնակիցների թիվը կհասնի 136 հազարի: Հակոբ Հակոբյանը ասաց , որ անցյալ տարվա տվյալներով կամավոր կուտակայինով մասնակից դեռ չկա , իսկ դա նշանակում է , որ քիչ ենք աշխատում հասարակութան հետ: Նախագահը պատասխանելով լրագրողի այն հարցին` թե որքան գումար է հարկավոր, որպեսզի մեկ թոշակառուն կարողանա իր նվազագույն պահանջները բավարարել, պատգամավորն արձագանքեց, որ դա չափվում է նվազագույն աշխատավարձի չափով: Այսօր Հայաստանում նվազագույն աշխատավարձը 51 000 դրամ է , որը կենսաթոշակառուին անհրաժեշտ չափն է: Միջին կենսաթոշակը 41 000 է , այսինքն ` մոտ 10 000 դրամով անհրաժեշտ չափից պակաս ենք վճարում: Հակոբ Հակոբյանը իր խոսքում նաև նշեց, որ հնարավոր ամեն բան արել են , որպեսզի աղքատների թիվը չավելանա: Սոցիալապես անապահով խավի համար պետական բյուջեում կան համապատասխան գումարներ, եթե հարկ լինի, կավելացվի, որպեսզի աղքատության շեմից ցածր մարդկանց քանակը չավելանա։ «Սա քաղաքական որոշում է»,– ասաց նա: