«Ես հիմա իմ առողջական խնդիրներով եմ զբաղված».Տիգրան Արզաքանցյան
ՀՀԿ-ական նախկին պատգամավոր, «Գրեյթ վելլի քամփընի» սնանկացած ընկերության սեփականատեր Տիգրան Արզաքանցյանին «Յունիբանկը» նոր պահանջ է ներկայացրել։ Ըստ այդմ՝ նրա «Գրեյթ վելլի քամփընի» ընկերությունից, որը սնանկացել է դեռ փետրվար ամսին, «Յունիբանկը» պահանջում է 364.4 հազար դոլար գումար:
Իսկ թե ի՞նչ է մտածում ստեղծված իրավիճակի շուրջ, ԱԺ նախկին պատգամավոր տիգրան արզաքանցյանը, նույն «Գրեյթ վելլի քամփընի»-ի հիմնադիրը, Fnews.am-ը փորձեց հարցի պատասխանը ստանալ հենց նրանից, սակայն գործարար Արզքանցյանը, հարցը լսելուն մի տեսակ զարմանք հայտնեց, ասելով որ ինքը դրա մասին տեղեկություններ չունի:
Ճշտող հարցին, թե ինչպե՞ս կարող է վերոնշյալ ընկերության սեփաականատերը անտեղյակ լինել իր բիզնես գործերից, Արզաքանցյանը պատասխանեց.«Ես հիմա մի քիչ զբաղված եմ, իմ առողջական հարցերով եմ զբաղված, էդ հարցերի մեջ էլ հիմա չեմ խորանաում: Հետո զանգահարեք, մի քիչ թեթեւանամ, կխոսենք անպայման»:
Ն. Ադամյան