Ինչ վատ ա, թող ժողովուրդն երկու կոպեկ փող առի.Սեյրան Սարոյան
Հանրապետական խմբակցության պատգամավոր Սեյրան Սարոյանը, որը երկարապահների հետ լծվել է «Այո»-ի քարոզարշավին, ընտրակաշառք բաժանելու մեջ ոչ մի վատ բան չի տեսնում։ Ընտրակաշառքի, սահմանադրական փոփոխությունների թեմայի շուրջ NEWS.am-ի թղթակիցը զրուցել է Սեյրան Սարոյանի հետ։
Պարոն Սարոյան, քարոզարշավո՞վ եք զբաղված։
Միանշանակ ընդգրկված ենք, ուրեմս ամենակարեւորը, որ կարենանք ժողովրդին ճիշտ մատուցենք, թե ինչի համար ենք փոխում Սահմանադրությունը։ Սա պատմական գործընթաց ա, որ բոլորս պիտի հասկանանք, երբեք ոչ մեկը պաշտոնին չի կարեցե հավերժ մնա, պաշտոնները գալիս-էթում են, բայց պետությունը, օրենքները մնում են։ Սա մեծ քայլ ա, որովհետեւ ինքնիշխանությունները տանում են բռնապետության, իսկ դա լավ բան չի բերի, ոչ պետության, ոչ ղեկավարության համար։ Նախագահը պատմական քայլ ա արել, ոչ մի նախագա տենց չի մնա պատմության մեջ, ոնց որ Սերժ Սարգսյանը կմնա, երբ սարքում ա պառլամենտական պետություն, երբ միանձնյա չլինի, երբ խնամի, քեռի, մորքուր, հորքուր չի աշխատի, քննարկվելու ա բոլոր հարցերը, վարչապետը չի կարա առանց պառլամենտի որոշումներ կայացնի, էս օրենքով միշտ կոալիցիա ա լինելու, իսկ պալիտիկան նենց բան ա, որ եթե մի բանը չբռնեց իրար հետ, չկարեցան մի համոզմունքի գան, խառնվելու է ամեն ինչ իրար:
Շատ հետաքրքիր պետւթյուն ենք դառնալու, քեզ ասեմ՝ իմանաս։ Ես տենում եմ էդի սաղ, ես դրա համար եմ սենց խոսում եւ կանգնած եմ էդ գաղափարի կողքին։ Երբ որ հիմա միանշանակ մի հոգի ա ղեկավարում, էթում ա դեպի բռնապետության։ Իսկ Սերժ Սարգսյանը գրում ա էն օրենքը, որ ինքը կըլնի չի լինի, էդ օրենքը էթալու ա առաջ, աշխատելու ա։
Ուզում եք ասել՝ Սերժ Սարգսյանը բռնապե՞տ է, կամ նրա նախորդը...
Չէ, չի ուզում, որ դառնա։ Եթե հիմա Սերժ Սարգսյանը Սահմանադրություն փոխեր, ոնց որ արեց Նազարբաեւը, Պուտինը, Ալիեւը ասենք սաղ փոխեցին չէ՞, ու նորից վերարտադրվան ...Ասենք խի՞ Սերժ Սարգսյանը չէր կարա տենց աներ, մի հատ սուտի ձեւով Սահմանադրության մեջ բան էր փոխում, որ նախագան կարա յոթ տարով լինի ու նորից վերընտրվեր, ինչ էր եղե որ, ինչ էր եղե...այ էտի կլներ արդեն բռնապետություն, հասկացար՝ խնդիրն ինչ ա։ Այ էս ա, որ մարդը չի ուզում դառնա սենց։ Որ Սերժ Սարգսյանը ուզենար տենց դառնար, կարար նույն Սահմանադրությունը փոխեր, նախագան սարքեր յոթ տարով, ոչ թե չորս, մի տարի առաջ կհրաժարվեր իրա պաշտոնից, ոնց որ բոլորն արեցին, ձեւերը սաղն էլ գիտեն, ու նորից կվերընտրվեր նախագա՝ ավելի մեծ ուժով, ոչ թե հիմա կիսանախագահական, կիսավարչապետական։ Չգիտես՝ ով ում բարեկամն ա։ էսօրվա Սահմանադրությունը վաբշե գլուխ չենք հանում , թե ում բարեկամն ա, որովհետեւ կիսավարչապետական- կիսանախագահական երկիր ա սա ..
Որ այդքան գովելի նախագիծ է, Դուք էլ արդեն տեսնում եք՝ ինչ հետաքրքիր պետություն է դառնալու, այդ դեպքում ինչո՞ւ է իշխանությունը ընտրակաշառք բաժանում, որ քվեարկեն այդ լավ բանի օգտին։
Ըտե էլ չեք թողնում՝ ժողովրդի վրա արեւ առնի։ Ի՞նչ են բաժնե ժողովրդին, որ ձեր աչքին տենց երեւաց։
5-10 հազար դրամ չեն բաժանո՞ւմ ընտրությունների ժամանակ։
Ենթադրենք տվին, լավ չի՞ մեր ժողովրդի համար։ Որ վերցնողը չկա, տվողը կա՞։ Ուրեմս կարիքը կա չէ՞ դրա։ Իսկ որ դաժե փող վերցեն, ենթադրենք վերցեց ու գնաց էդ զանավիսկեքի հետեւ, ինչ ուզում ա կարա անի չէ՞, հիմա փողդ վեկալար, ուղեղիդ մեջ ինչ եղավ, կանես չէ՞, հո փողի խաթր չես անում։
մանրամասն՝ այստեղ: