Հանցախմբում ներգրավված աղջիկների մայրը զարմացած է, թե ինչու են իր երեխաները նման փորձանքի մեջ ընկել

Կենտրոն և Նորք –Մարաշ վարչական շրջանների ընդհանուր իրավասության դատարանի առջև հավաքվել էին  նախօրեին «վնասազերծված հանցախմբի» անդմաները:Այսօր դատարանում նրանց  կալանքի որորշումն էր կայացվում: Նրանք բոլորին երկամսյա կալանք տվեցին: Հանցախմբի անդամներից Գևոգ Ջնդոյանի մայրը Fnews.am-ի հետ զրույցում պատմեց. «Տղաս այդ օրը եղել է այն բնակարանում որտեղ հայտնաբերել են խմբին: ՈՒղղակի չեմ կարողանում հասկանալ թե այդ օրը ինչու է այնտեղ գնացել: Գովազդային գործակալությունում է աշխատում, ինչու է նմանատիպ խմբի մեջ մտել զարմանում եմ»,-ասաց մայրը: Նա տեղեկացրեց, որ որդին վերջին շրջանում ակտիվորեն մասնակցել է «Ոչ»-ի քարոզարշավին:

«Զարմանում եմ, ոնց է տղաս այդպիսի բան արել, մտել նմանատիպ խմբի մեջ, երբ հոգևոր կրթություն  է ստացել Իտալիայի Սուրբ Ղազար կղզում, ինչպես կարող էր հոգևոր մարդը զենքի հետ գործ ունենալ: Աշխատավարձ էր ստանում, փոխանակ մեզ տալու, գյուղերին բարեգործություն էր անում»: Մայրը տեղեկացրեց նաեւ, որ որդին զինվորական ծառայություն չի ստացել: Ձերբակալվածների մեջ են նաև երկու քույրեր` Ինեսսա Մկրտչյանը և Մարինե Կատանյանը, ովքեր ապրում են Նորագավիթում: Նրանք ևս դեպքի օրը եղել են բնակարանում: «Ասեցին էդ օրը գործ ունենք անելու մնացին էտ տանը, այնպես էր, որ մենք նրանց վստահում էինք, համակարգչի վրա էին աշխատանքներ անում, նյութեր էին հավաքում և այլն: 130 ստորագրություն եմ հավաքել, թե ինչպիսի վարքագիծ ունեն, ինչպես են իրենց դրսևորել»,-ասաց նրանց մայրը` տիկին Անահիտը: Նա տեղեկացրեց, որ մեկ ամիս է ինչ այդտեղ աշխատանքի  էին անցել:« Սուպերմարկետում էին երկու աղջիկներս աշխատում, հետո դուրս եկան, ու նման փորձանքի մեջ ընկան: Ես նրանց հավատում եմ ու գիտեմ, որ նրանք կապ չեն ունեն հանցախմբի հետ: