«Մենք ձեր դեմքը լավ հիշում ենք, հեսա, որ հելնեք, տեսեք ինչ ենք անելու».սպանված կուրսանտի հարազատներին սպառնում են

Ավան-Նոր Նորք վարչական շրջանների ընդհանուր իրավասության դատարանում այսօր հետաձգվեց Վազգեն Սարգսյանի անվան ռազմական ինստիտուտում կուրսանտ Հայկազ Բարսեղյանի սպանության գործով դատական նիստը: Այն չկայացավ տուժող կողմի հարազատների, ամբաստանյալի և պաշտպանի բացակայության պատճառով։ Չնայած դատական նիստը տեղի չունեցավ, բայց դատարնը հայտարարեց, որ իրենք դիմում-բողոք են ստացել Հայկազ Բարսեղյանի ընտանիքից, որ ամբաստանյալների հարազատների կողմից սպառնալիքներ են հնչում։

Վազգեն Սարգսյանի անվան ռազմական ինստիտուտի կուրսանտ Հայկազ Բարսեղյանի հայրը` Արկադի Բարսեղյանը Fnews.am-ի հետ զրույցում ներկայացրեց մանրամանսեր, թե իրենց ընտանիքը ինչպիսի սպառնալիքներ է ստացել «Ամբաստանյալների ընկերների կողմից  առաջին դատական նիստի ժամանակ բազմաթիվ սպառնալիքներ,  հայհոյանքներ ենք ստացել: Նրանք հանդես են գալիս պրովակացիոն հայտարարություններով և մեզ հետ հաշվեհարդար են ուզում տեսնել.«Մենք ձեր դեմքը լավ հիշում ենք, հեսա, որ հելնեք տեսեք ինչ ենք անելու» նմնատիպ խոսքերով հորեղբորս տղային են սպառնացել»,-ասաց սպանված կուրսանտի հայրը ավելացնելով.«Խմբակային սպանության գլխավորներից մեկի մայրը կգրի նախագահին, որ իր որդին մեղավոր չի. Նախաքննության բոլոր նյոթերը ինձ մոտ են և ես լավ գիտեմ, թե ում որդին ինչ տիպի  է եղել: Մենք խնդրում ենք, որ նրանց կողմից ոտնձգություններ չլինեն»: Նա տեղեկացրեց, որ ամբաստանյալների փաստաբանների կողմից  անընդհատ խոչըդոտներ են առաջանում և դատական նիստերը հետաձգվում: Այսօր էլ կայացած դատական նիստին չի ներկայացել քանիի որ, ծանուցագիր է  եկել, որ հաջորդ դատական նիստը՝ դեկտեմբերի 10-ին է:

Հիշեցնենք, որ ըստ մեղադրական եզրակացության՝ ռազմական ինստիտուտի կուրսանտներ Գնել Թևոսյանը, Նորիկ Սահակյանը,Վաչե Սահակյանը և Մովսես Ազարյանը հունվարի 29-ին ժամը 02:00-ից 03:00-ի սահմանում զորամասի առաջին գումարտակի առաջին մարտկոցի թիվ 408 ննջարանում առանձին դաժանությամբ, խուլիգանական դրդումներով սպանել են կուրսանտ Հայկազ Բարսեղյանին:Հիշեցնենք, որ 2015թ. հունվարի 29-ին՝ ժամը 06:35-ի սահմանում Երեւանում տեղակայված ուսումնական զորամասերից մեկի մարզահրապարակում հայտնաբերվել էր նույն զորամասի 1-ին կուրսի ուսանող Հայկազ Արկադիի Բարսեղյանի դին՝ պտտաձողի վրա պարանով կախված վիճակում: