Ես հանդիսանում եմ հայ Առաքելական Սուրբ Եկեղեցու զավակ, եւ չեմ հարում որևէ կրոնական այլ կազմակերպության

Տեղեկացա Aravot.am և մի քանի կայքերում տեղ գտած ինձ վերաբերող հոդվածին, որտեղ , փորձ է արվել ինձ ներկայացնել որպես մասոնական օթյակի անդամ։ Հագրելով հանդերձ խոսքի ազատության և բազմակարծության իրավունքը, սակայն միաժամանակ իրացնելով նաև իմ անձը անունն ու բարի համբավը պաշտպանելու անօտարելի իրավունքը, հարկ եմ համարում կատարել հետևյալ ճշտումը.
ես Սևան Աղաջանյանս, հանդիսանում եմ հայ Առաքելական Սուրբ Եկեղեցու զավակ, չեմ հարում որևէ կրոնական այլ կազմակերպության, որով հերքում եմ պաշտոնապես, իմ հետ կապված հրապարակված տեղեկատվությունը, որպես թյուր և իրականությանը չհամապատասխանող։ Միաժամանակ տեղեկացնում եմ, որ նմանատիպ նյութերին հարկ չկա լուրջ վերաբերվելու ։
Հայտարարում եմ, որ անստորագիր նամակներով մարդկանց հանրությանն ու մեդիա դաշտին ապատեղեկացնելը անադրյունք աշխատանք է։ Զգուշացնում եմ նաև, որ նմանատիպ էժանագին խաղերը ենթակա են պատասխանատվության ՀՀ Օրենսդրությամբ և հաջորդիվ հետամուտ եմ լինելու անհայտ ու անստորագիր նամակագիրներին հայտնաբերելու և ՀՀ օրենսդրությամբ սահմանված կարգով պատասխանատվության ենթարկելու ուղղությամբ, ինչը այնքան էլ բարդ գործ չէ ներկայիս տեղխնիակական հնարավորությունների դարում։
Միաժամանակ իմ շնորհակալությունն եմ հայտնում իմ բոլոր համախոհներին ու ևս մեկ անգամ իմ անվերապահ հարգանքն ու որդիական հավատարմությունն ու հնազանդությունը Հայ Առաքելական Եկեղեցուն և Ամենայն Հայոց Կաթողիկոսին։

Սեւան Աղաջանյան