«Կրակոցների ձայներն էլ չենք լսել, միայն այն ժամանակ ենք դեպքի մասին տեղեկացել, երբ ոստիկանությունը, շտապօգնությունը ազդանշաններով եկան, այդ ժամանակ նոր իմացանք, մվախից քարացած ենք»

«Շանթի Յուրա» անունով հայտնի գործարար Յուրա Ղարիբյանի տան հարձակաումից Ղարիբյանի կինը՝ Մարինեն և երեխաների դայակը վիրավորվել էին: «Նաիրիի» վերակենդանացման բաժանմունքի ղեկավար Անատոլի Գնունին Fnews.am-ի հետ զրույցում տեղեկացրեց, որ նրանց կյանքին վտանգ չի սպառնում.«Առողջական վիճակը գնահատվում է լավ, տեղափոխել են վիրաբուժական բաժանմունք»:

Մեր թղթակիցը զրուցել է նաև Ղարիբյանների հարազատների հետ, վերջիններս զարմացած էին, թե ինչպես կարող էին ավազակային հարձակման ենթարկել տունը: «Տան անվտանգությունը մի այլ կարգի է ապահովված, ինչպես են մուտք գործել անհասկանալի է»: Հարևաններից մեկը տեղեկացրեց, որ այս օրերի ընթացքում իրենք արտառոց որևէ բան չեն նկատել, անծանոթ մարդկանց ևս չեն տեսել տան շուրջ բոլորը պտտվելիս: «Կրակոցների ձայներն էլ չենք լսել, միայն այն ժամանակ ենք դեպքի մասին տեղեկացել, երբ ոստիկանությունը, շտապօգնությունը ազդանշաններով եկան, այդ ժամանակ նոր իմացանք, մենք էլ ենք զարմացած, վախից քարացած ենք, չգիտենք ինչ անենք»,-ասաց Ղարիբյանների հարևանուհին: Ավելի վաղ հայտնել էինք, որ Երեւանի Բաշինջաղյան փողոցում այսօր՝ դեկտեմբերի 15-ին, տեղի ունեցած ավազակային հարձակման հետեւանքով «Արմենիա» ԲԿ է տեղափոխվել 2 կին:

Ավազակային հարձակում կատարածին վնասազերծել է տանտիրուհին. երբ հարձակվողը կրակել է երիտասարդ աղջկա վրա, տանտիրուհին փրկել է տան բոլոր անդամներին: Ավազակային հարձակում կատարողը մահացու վնասվածք է ստացել: Նախնական տեղեկություններով՝ավազակային հարձակում կատարելու պահին տանը եղել են «Շանթի Յուրա» անունով հայտնի գործարար Յուրա Ղարիբյանի կինը եւ զոքանչը։ Տանը եղել են նաեւ մանկահասակ երեխաներ։ Այս պահին դեռ հայտնի չէ՝ տանը գտնվող անձանցից ով է դանակով հարվածել հարձակում կատարողին: