Սահմանին պարբերաբար պատերազմական իրավիճակ էր, բայց փառք մեր բանակին որ հակառակորդին արժանի հարված տվեց

2015թվականը ամփոփել է Արշակ Շարքային Զաքարյանը: 

2015 թթ-ը  ինձ համար հատկանշական էր մեր ազգի և անձամբ ինձ համար` իր բացասական և դրական իրադարձությունների լիությամբ: Ես կանդրադառնամ ընդամենը մի քանիսին: Որպես Հայոց բանակի աջակիցներից մեկը ասեմ, որ տարին սկսվեց հակառակորդի կողմից Հունվար ամսվա ընթացքում աննախադեպ դիվերսիոն հետախուզական ներթափանցումների ակտիվացմամբ, որոնց ընթացքում մենք ցավալի կորուստներ ունեցանք: Տարվա նման սկիզբը, սահմանային լարվածության առւոմվ  ոչ մի լավ բան չէր խոստանում,   և չսխալվեցինք էլ, բավականին վտանգավոր և թեժ տարի էր այդ առումով. նախադեպը իրոք որ չունեցող: Սահմանին պարբերաբար փաստացի պատերազմական իրավիճակ էր, թշնամին տեսնելով որ գետնի վրա պարտվում է, որ իր հատուկ ջոկատայինները մեր սովորական ժամկետային ծառայողների հետ առերեսվելուց խայտառակ պարտություն են կրում, անցավ ականանետային, և որոշ դեպքերում հրետանային այլ միջոցներով, նույնիսկ թուրքական արտադրության հրթիռներով հեռվից հարվածելու մեթոդներին:

Փա'ռք մեր բանակին, որ նաև այս դեպքում ջախջախիչ պատժիչ գործողություններով պարտության մատնեց հակառակորդին: Իհարկե մենք նաև ցավալի կորուստներ ենք  ունենում` անհնար է պատերազմել առանց կորուստների, բայց եթե հաշվի առնենք որ օր է լինում, որ մինչև 1000 հրետանային ռմբակոծում է լինում մեր ուղղությամբ և որ մեր զոհերի մեծ մասը դիպուկահարի կողմից խոցված անզգուշաբար հակառակորդի տեսադաշտում հայտնված զինծառայողներ են, ապա պարզ է դառնում թե ինչ բարձր պատրաստվածության աստիճանի վրա է մեր բանակը: Դրան գումարենք միջանձնային հարաբերություններում ողբերգական ավարտ ունեցող կամ լուրջ միջադեպերի համարյա բացակայության փաստը վերջին 9 ամիսների ընթացքում, ինքնասպանությունների կտրուկ պակասը և ընդհանուր փողոցային բարքերի դեմ հասարակություն, դպրոց, բուհ, բանակ միահամուռ ջանքերով պայքարի դրական արդյունքները ,ապա կարելի է հանգիստ ասել, որ այս տարի լուրջ բարելավումներ ենք գրանցել զինված ուժերում:

Բացասական կողմը իհարկե մեր կրած կորուստներն են, քանզի դրանք անդառնալի են և մեր նման քանակապես փոքր ազգերի համար շա`տ ցավալի: Հակառակորդի հազարավոր զոհերի առկայությունը մեկ է չի փարատի մեր կրած թեկուզ մեկ զոհի պատճառած ցավը... Իմ մասնագիտական ոլորտում, բացի սահմաններին արված հարյուրավոր տեսանյութերի փառկ Աստզո այս տարի երկու նախագիծ եմ իրականացրել, մեկը դա «Շունչը» կարճամետրաժ խաղարկային ֆիլմը որ օրերս կցուցադրվի արդեն հանդիսատեսին և հիմա էլ ավարտում եմ «Ցավը» ֆիլմի նկարահանումները: Դա էլ մասնագիտական ձեռքբերումներ, ինչից անձամբ ես գոհ եմ... Ամփոփեմ, որ տարին ամեն առումով «բերքատու» էր իմ համար... Շնորհակալություն