Եթե իրականությունն ասելը հաճոյախոսություն է, ապա ես հաճոյախոս եմ. ՀԱՐՑԱԶՐՈւՅՑ
Replik.am-ը զրուցեց «Հայկական Վերածնունդ» հասարակական քաղաքական միավորման հանրային կապերի հանձնաժողովի համակարգող, Hartak.am կայքի խմբագիր, «Աշխատավորների շահերի պաշտպանության» ՀԿ նախագահ Կարեն Թումանյանի հետ
Պ-ն Թումանյան, ավարտին է մոտենում 2015 թ-ը: Ինչպիսի՞ տարի էր այն Ձեզ համար:
- Քանի որ ես անմիջական մասնակցություն ունեմ երեք կառույցներում, ապա թույլ տվեք հարցը բաժանել երեք մասի. Ինչպիսին էր այն «Hartak.am» կայքի, «Աշխատավորների շահերի պաշտպանության» ՀԿ-ի և «Հայկական Վերածնունդ» միավորման համար: Եվ այսպես. ինչ վերաբերվում է կայքին, ապա նույնիսկ կայքի օպոնենտների կարծիքով 2015թ-ին մեր կայքը բավականին ճանաչում ստացավ՝ ավելացան մշտական ընթերցողների քանակը: «Աշխատավորների շահերի պաշտպանության» ՀԿ-ի մասով կարող եմ ասել այդքան էլ արդյունավետ չէր, քանզի մինչև Աշխատանքային օրենսգրքում և արհեստակցական միությունների մասին օրենքում օրենսդրական լուրջ փոփոխություններ չլինեն, ապա մեզ համար լայն գործունեության դաշտ չի կարող բացվել: Սա ես ասում եմ բազմաթիվ հարցերով մեզ դիմած մարդկանց խնդիրներին լուծում տալ չկարողանալը հիմք ընդունելով: Հենց դա է պատճառը, որ մենք պատրաստվում ենք 2016թ-ին խորհրդարանական ուժերից մեկի միջոցով հանդես գալ օրենսդրական նոր նախաձեռնությամբ: Հիմա պատասխանեմ հարցի երրորդ մասին՝ «Հայկական վերածնունդը» կարելի է ասել ոչ միայն հրաշալի արդյունքներ գրանցեց, այլև սահմանեց բոլոր հնարավոր ռեկորդները: Տեսեք, ընդամենը ամռան կեսերին իր մասին հայտարարած հասարակական -քաղաքական միավորումը մի քանի ամիսների ընթացքում կարողացավ ոչ միայն կայանալ, այլ նաև` ձեռք բերել չտեսնված ճանաչելիություն: Մի քանի ամսվա մեջ կառույցում ընդգրկվեցին տասնյակ կուսակցություններ և 140-ից ավել ՀԿ-ներ, էլ չեմ ասում հազարավոր քաղաքացիների անդամակցությունը: Հարկ եմ համարում նշել, որ շարժմանն անդամակցել են և շարունակում են անդամակցել հայտնի մարդիկ, քաղաքական, մշակույթային գործիչներ:
Ըստ Ձեզ` ինչո՞վ են պայմանավորված շարժման հաջողությունները
-Դրանք մի քանիսն են.
- Վերածննդի վեհ գաղափարը
- Միավորման նախաձեռնող Արթուր Բաղդասարյանի գործոնը
- Հանրության պահանջարկը դեպի նոր փոփոխություններ
- Լավ թիմի առկայությունը
- Միության կողմից բարձրացված ճիշտ հարցադրումները և առաջարկվող լուծումները
- Շարքային քաղաքացիների հետ ամենօրյա շփումները և օրնիբուն քրտնաջան աշխատանքը
Դուք հանրությանը հայտնի եք նաև, որպես ՕԵԿ առաջնորդ Արթուր Բաղդասարյանի մասին դրական և, ինչպես ձեր օպոնենտներն են հնչեցնում, հաճոյախոսական հոդվածների հեղինակ: Դա այդպե՞ս է…
Եթե իրականությունն ասելը հիմա համարվում է հաճոյախոսություն, ապա միգուցե ես հաճոյախոս եմ: Բայց ինչ է, թե այդ անունը չկպնի ինձ ես կուրորե՞ն մոտենամ այն հանգամանքին, թե ինչպես են մի խումբ մարդիկ փորձում սևացնել դասական քաղաքական գործիչ Արթուր Բաղդասարյանի անու՞նը . Ոչ, ես դա անել չեմ պատրաստվում: Արթուր Բաղդասարյանը այն եզակի քաղաքական գործիչներից է, ով հանուն իր ժողովրդի երկրի երկու կարևորագույն պաշտոններից հրաժարվեց, ինչպես ասում են, նորից սկսեց զրոյից և ինչպես տեսնում ենք մեծ արդյունքների հասավ: Օրինակ, ինչպե՞ս կարելի է լռել և դրական չարտահայտվել Ա. Բաղդասարյանի ռուսական հայտնի Ռոսիա-24 հեռուստաալիքին տված հարցազրույցի մասին, չէ ՞ որ հենց այստեղ երևաց, թե ինչքան թանկ է հայրենիքը նրա համար:
Ամանորին մնացել են ժամեր, ի՞նչ կցանկայիք մեր ժողովրդին
Կամք՝ դեպի հաղթանակ: