Ապրում եմ կյանքիս ամենաերջանիկ օրերը,ինչի համար շնորհակալ եմ աղջկաս և նրա ամուսնուն.Նադեժդա Սարգսյան

Life.panorma.am-ը գրում է. Էմմին որդու եւ ամուսնու հետ միասին օրերս վերադարձել է Երեւան, այս մասին երգչուհին անձամբ է տեղեկացրել իր երկրպագուներին՝ ֆեյսբուքյան էջում կատարելով հետեւայլ գրառումը՝ «Մենք Երևանում ենք»: Էմմիի վերադարձը թերեւս ամենաշատը ուրախացրել է մայրիկին՝ ՀՀ մշակույթի վաստակավոր գործիչ Նադեժդա Սարգսյանին, որը մեզ հետ զրույցում նշեց, որ զգացողությունների նկարագրման համար բառեր չի գտնում.

«Այս օրերին ապրում եմ կյանքիս ամենաերջանիկ օրերը, երջանկությունս նկարագրելու համար բառերը չեն բավարարում, անասելի ուրախ եմ, աննկարագրելի հուզմունք եմ ապրում, այսօր մեր տունը լի է ուրախությամբ, ինչի համար շնորհակալ եմ աղջկաս եւ նրա ամուսնուն, ովքեր հատուկ ինձ ուրախություն պատճառելու համար եկել են Հայաստան: Այսօր լրանում է թոռնիկիս երկու ամսականը, ես չեմ կարող պատմել այն ապրումները, որ ունենում եմ իր լուսավոր դեմքին նայելիս»,- պատմեց Նադեժդա Սարգսյանը, ով դեռեւս փորձում է վերականգնել առողջությունը:

Երջանիկ տատիկը նշեց, որ տեղյակ էր դստեր ընտանիքի՝ Երեւան գալու մտադրույթան մասին. «Իհարկե, Էմմին ինձ ասել էր, որ մտադրություն ունեն ինձ այցելության գալու, սակայն ես չէի կարողանում պատկերացնել, որ նրանց այսքան շուտ կտեսնեմ: Քանի որ գիտեին, որ այս պահին վատառողջ եմ, Էմմին եւ իր ամուսինը ինձ ուրախացնելու համար կտրեցին օվկիանոսն ու եկան եւ տունս ուրախությամբ լցրեցին»,- հուզված պատմեց Նադեժդա Սարգսյանը:

Տատիկի խոսքերով՝ փոքրիկ Դանիելը նման է եւ մայրիկին, եւ հայրիկին. «Այս տարիքում երեխաները հաճախ են արտաքնապես փոխվում, անգամ օրվա ընթացքում Դանիելը մեկ մայրկին է նմանվում, մեկ հայրիկին:  Դեռեւս շուտ է վերջնական նմանություններ գտնելու համար»,- ծիծաղելով նկատեց նա:

Փոքրիկ Դանիելը, տատիկի խոսքերով, Երեւանում իրեն շատ լավ է զգում. «Թոռնիկիս իրեն շատ լավ է զգում Երեւանում, մեր տանը. երեւի զգում է, որ սա իր տունն է, իր երկիրը: Շատ հանգիստ փոքրիկ է, անգամ անունը դրել ենք մեծ մարդ, քանի որ մեծ մարդու նման իրեն հանգիստ ու խաղաղ է պահում: Նրան նայելիս՝ հասկանում եմ, որ կյանքում հրաշքներ տեղի են ունենում, Դանիելը մեր հրաշքն է»,- նշեց նա:

Նյութը՝ սկզբնաղբյուր կայքում