Ում հետ ինչ ֆինանսական խնդիրներ է ունեցել Թեւոս Սաֆարյանը, եւ ո՞վ է այդ երրորդ ուժը, որ կարող էր սպանած լինել Թեւոսիկի եղբորը

Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանում այսօր տեղի ունեցավ Թևոսիկի եղբոր սպանության գործով հերթական դատական նիստը; Արդեն տեղեկացրել էինք, որ գործը գտնվում է ապացուցյների բացահայտման փուլում: Այս անգամ հարցաքննվեց գործով վկա Աշոտ Բոլյանը, ով իր հերթին ասաց. «Տեղյակ չեմ ինչի համար եք ինձ կանչել դատարան, ես չեմ հասկանում, չեմ կարող պատկերացնել, որ նման սպանություն է տեղի ունեցել. իբր Մովսեսը սպանել է Արթուրին, իսկ Իսրայելը սպանել է Մովսեսին, այս ամենն ինձ համար տարօրինակ է»:

Բոլյանը հարցաքննության ընթացքում տեղեկացրեց նաեւ, որ  Տիգրան Ասատրյանի եւ Թեւոս Սաֆարյանի միջեւ ֆինանսական խնդիրների մասին իմացել է եւ միջամտել. «Ես միայն միջամտել եմ, կարող եմ ասել, որ Իսրայել Սարգսյանը ոչ մի կապ չի ունեցել այդ խնդիրների հետ: Իսրայելը ոչ մի հարց չի ունեցել ոչ մեկի հետ: Դեպքից որոշ ժամանակ անց, ինձ մոտ Տիգրան Ասատրյանի նկատմամբ էր կասկած առաջացել, քանի որ նա միակն էր մեր մեջից, որ խնդիրներ ուներ Թևոսի հետ: Այս մասին Իսոյին ևս ասել եմ, որ մի ձևով կարողանա Տիգրանի հետ խոսի, կարողանա մի բան պարզի: Բայց որևէ կերպ նրա հետ չէինք  կարողանում կապ հաստատել; Եթե Տիգրանն էլ չէր, ապա երրորդ ուժ կար, այդ երրորդ ուժն է սպանողը: 

Հիշեցնենք՝ ըստ մեղադրանքի, Իսրայել Սարգսյանը կազմակերպել եւ օժանդակել է Մովսես Ներսիսյանի կողմից «Թեւոսիկի»՝ Թեւոս Սաֆարյանի եղբայր Արթուր Սաֆարյանի սպանության կատարումը, ապա հանցանքը թաքցնելու նպատակով սպանել էր Մովսես Ներսիսյանին:
Ավելի վաղ Իսոյի մայրը մեզ հետ զրույցում նշել էր, որ իր որդին անմեղ է և սպանության հետ կապ չունի: 

 Fnews.am