Ակնկալում եմ, որ կուսակցության ղեկին հայտնված անձը, ով բազմաթիվ սուրհանդակներ ու արտահաստիքային "փաստաբաններ" է բծում ու խնամում ՖԲ-ում, գոնե վերջիններիս միջոցով կցրի այս անորոշությունը

«Բարգավաճ Հայաստան» կուսակցությունում ներքին խռովությունները շարունակվում են:
Մի քանի օր է` մամուլում եւ սոցիալական ցանցերում քննարկվում է Աշխատանքի եւ սոցիալական հարցերի նախկին նախարար Գեւորգ Պետրոսյանին ԲՀԿ-ից հեռացնելու հարցը: Բանն այն է, որ ԲՀԿ խոսնակը հայտարարել է, թե Ավանի ԲՀԿ տարածքային կառույցի նիստում որոշում է կայացվել Գևորգ Պետրոսյանին հեռացնել կուսակցության շարքերից:

Իսկ Գեւորգ Պետրոսյանը ֆեյսբուքյան իր էջում գրել է հետեւյալը. «Հարգելի ընկերներ, երեկ մինչև ուշ գիշեր տարբեր լրատվամիջոցների ներկայացուցիչներ ինձնից գնահատական էին հայցում ինձ կուսակցությունից իբրև թե հեռացնելու վերաբերյալ: Ես կեսգիշերից էլ ուշ ժամի ստիպված եղա որոշման տեքստը (եթե այդպիսին կա) խնդրել տրամադրել Ավանի տսրածքսյին կառույցին, որի նախագահը պատասխանեց, որ իրենց տրամադրության տակ որոշում չկա: Եթե այս ամենն ասեկոսե չէ, ակնկալում եմ, որ կուսակցության ղեկին հայտնված անձը, ով բազմաթիվ սուրհանդակներ ու արտահաստիքային "փաստաբաններ" է բծում ու խնամում ՖԲ-ում, գոնե վերջիններիս միջոցով կցրի այս անորոշությունը: Հուսամ` նա այդ քայլին չի գնա Տարածքային կառույցի անվամբ հետին թվով հեռացման որոշում ստեղծելու և հրապարակելու միջոցով»:

Նշենք, որ Գեւորգ Պետրոսյանը սոցապ նախարար է աշխատել ընդամենը 6 ամիս, ըստ լրատվամիջոցների տեղեկությունների` նա պաշտոնանկ է արվել անփորձության եւ Ծառուկյանի պահանջներին չբավարարելու պատճառով: 2010թ նա լքել է կուսակցությունը, իսկ փետրվարյան հայտնի իրադարձություններից հետո նորից ԲՀԿ-ին անդամակցելու դիմում է գրել: Վերջին շրջանում Գեւորգ Պետրոսյանը, ով եւս կոալիցիա կազմելու կողմնակից է, իր ֆեյսբուքյան էջում հանդես է գալիս ԲՀԿ-ի հասցեին քննադատություններով: «ԲՀԿ-ում կուսակցապետի ու կուսակցականների միջև անջրպետը երբեք այսքան խորը չի եղել: Ես կարոտախտով չեմ տառապում, բայց ԲՀԿ-ն երբեք այսպես անդեմ ու անսկզբունք չի գործել: Ցավում եմ իմ կուսակցության ներկայի համար...: Աբրահամ Մանուկյանին մեղադրել կուսակցականների դիրքորոշումները շեղելու հարցում` առնվազն արդար չէ: Ավելին, այսօր թե' Երևանում, և թե' շրջաններում կուսակցականների ապակուսակցականացումը կանխվում է գլխավորապես հենց Մանուկյանի հեղինակության ու նրա նկատմամբ վստահության շնորհիվ: Մանուկյանը զգալի ներդրում ունի ԲՀԿ կուսակցաշինության մեջ, ու նա իրեն թույլ չէր տա անձնական ամբիցիաներից ելնելով` ջլատել կուսակցության ուժերը: Մանուկյանն ի՞նչ մեղք ունի, որ քաղաքական այս դժվարին թոհուբոհի պայմաններում ԲՀԿ-ն առաջնորդելու իրավասություն ունեցող անձն իր երերուն ու անկանխատեսելի կեցվածքի պատճառով կուսակցությունը վեր է ածել ալեկոծված ծովում հայտնված աննավավար մակույկի: 

մանրամասն՝ hraparak.am-ում: