Գրադների, զենքերի, զինամթերքի կռիվ է, չես համեմատի1990-ականների հետ.Ռուբեն Գեւորգյան
Ղարաբաղա-ադրբեջանական շփման գծում տեղի ունեցած թեժ մարտերի ժամանակ ապրիլի 2-ին Արցախ է մեկնել նաեւ Երդվյալ ազատամարտիկների միությունը` ԱԺ ԲՀԿ-ական պատգամավոր, ԵԱՄ նախագահ Ռուբեն Գեւորգյանի («Ծաղիկ Ռուբո») գլխավորությամբ: «Հարաբերական խաղաղություն է, երբեք չես համեմատի մինչեւ ապրիլի 4-ի վիճակի հետ, բավականին փոփոխություն կա»,- Hraparak.am-ի հետ զրույցում ասաց Ռուբեն Գեւորգյանը: Նա ապրիլի 2-ին գնացել էր Արցախ ԵԱՄ-ի 16 հոգանոց հրամանատարական կազմի հետ, իսկ ապրիլի 4-ի հրադադարի պայմանավորվածության ձեռք բերումից հետո հրամկազմին հետ էր ուղարկել Երեւան՝ իրենց ջոկատներով Արցախ վերադառնալու համար: Ու այդպես 16 հրամանատարները ապրիլի 5-ին վերադարձան Արցախ՝ 160 ազատամարտիկների հետ միասին: Դրանից բացի, Ռուբեն Գեւորգյանի փոխանցմամբ, ԵԱՄ-ի 160 անդամներ էլ տարբեր ցուցակներով որպես կամավորներ են մեկնել սահման:
Պատգամավորը պատմեց, որ ԵԱՄ-ի հրամանատարական կազմը մարտերի առաջին իսկ օրերից գտնվում է Մարտակերտի դիրքերում, հիմնականում` հյուսիսային հատվածում: «Հիմնականում Մարտակերտում ենք գտնվում, այս տարածքը ցավալի պատմական հիշողություն է ինձ համար, եղբայրս այստեղ է զոհվել, Մարտակերտը ինձ ձգում էր: Ասեմ, որ կազմակերպվածությունը պատշաճ մակարդակի վրա է, մենք այստեղ ինքնուրույն չենք, ենթարկվում ենք հրամանատարներին եւ բոլոր զինվորական օրենքներին, մեզ ուղղորդում են՝ որտեղ գնալ, ինչ անել»,-ասաց ԵԱՄ նախագահը՝ հավելելով, որ գտնվում են պայմանագրային զինծառայողների հետ միասին, ապահովված են ամեն ինչով՝ զենք, սնունդ եւ այլն, միայն լողանալու խնդիրը կա, բայց պատերազմական իրավիճակում սա երկրորդական հարց է: Ռուբեն Գեւորգյանն ասաց, որ Արցախում կմնան այնքան ժամանակ, ինչքան անհրաժեշտ լինի: «Մենք ստեղ ամեն ինչից կտրված ենք, դուք լրագրող եք, տեղյակ եք, ասեք՝ ինչ է կատարվում, քաղաքական դաշտում իրավիճակը ոնց է»,-Hraparak.am-ի թղթակցից հետաքրքրվում էր Ռուբեն Գեւորգյանը:
Մեկնաբանելով լուրերը, որ շատերը գնում են Արցախ զինվորական համազգեստով նկարվելու համար, իրականում ժամանակն անց են կացնում հյուրանոցի սենյակներում, Ռուբեն Գեւորգյանը պատմեց, որ ինքը միայն առաջին օրն է ընկերոջ տանը մնացել, մյուս օրերին եղել է դիրքերում, զորամասերում: «Էս բարձր մասերում շոուն անհնար է, ասֆալտի վրա գուցե անում են, չգիտեմ, ես հեռուստացույց, ինտերնետ չունեմ, ինֆորմացիայից կտրված եմ, մեզ մոտ նման բան չկա, բայց չեմ զարմանա, միշտ էլ տենց բաներ եղել են»:
Մեգերյանների ընտանիքը զբաղվել է հին գորգերի վերականգնումով և նոր գորգերի արտադրությանբ ավելի քան չորս սերունդ
Եւ այսօր իրապես մեծ է փաստաբան Լեւոն Բաղդասարյանի նման հանուն իրավունքի եւ արդարության շահը ճանաչող ու ամեն ինչից վեր...
Մարդու ամենամեծ ձեռքբերումը՝ հավատն եմ համարում.Սամվել Շահնազարյան
Սահմանազատման երեք տարբերակ է քննարկվել
Ադրբեջանն Ալմա-Աթայի հռչակագրից հրաժարվելու հիմքեր է ամրագրել, որ ավելին ստանա Հայաստանից
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումները»
«Այս իշխանությունը «կաղ բադիկ է», գնացող, խնդիրը զուտ արտաքին և ներքին քաղաքական որոշումն է». «Փաստ»
«Ամեն օր եկեղեցում մոմ էի վառում ոչ միայն իր, այլ մեր բոլոր տղաների համար. երբեք չեմ ցանկանա, որ որև...
