Նախ անցեք գեներալ Հայկազ Բաղմանյանի անցած ճանապարհը, նոր իրավունք վերապահեք, Ձեր ԲՈՅԻՑ ՈՒ ՔԱՇԻՑ վեր գործեր բռնելու...

Վերջապես ինչքա՞ն կարելի է օրը սկսել ու ավարտել Բաղմանյանի մասին հեքիաթներ, ստեր ու անհեթեթ պատմություններ ՊՏՏԱՑՆԵԼՈՎ

Ակնհայտ է, որ լրջագույն իրավիճակ է ստեղծվել Լեռնային Ղարաբաղի հակամարտության շուրջ:

Այլ կերպ հնարավոր չէ բնորոշել այն շարունակական բախումները, դիվերսիոն հարձակումներն ու մարդկային կորուստների քանակը, որ գրանցվեցին օգոստոսից մինչ այսօր:

Իսկ ահա ապրիլի 1-ի լույս 2-ի գիշերը հայ-ադրբեջանական սահմանին գրանցված միջադեպն ու դրան հաջորդող «պատերազմն» ուղղակի աննախադեպ էր: Նենգ ու դարանակալ թշնամու ձեռագիրը չփոխվեց. վայրագությունների շղթան ուղղակի դժվար է որեւէ կերպ բնութագրել, համապատասխան բառեր չեմ գտնում, թե որքան անմարդկային ու  ՏԱԿԱՆՔ է ԹՇՆԱՄԻՆ; 

Բացի այդ նույն նենգ ու դարանակալ թշնամին, նույն ձեռագրով շարունակում է գործել տեղեկատվական հարթակում՝ խեղաթյուրեով փաստերն ու իրականությունը: Նույն Ադրբեջանը իր ներքին շուկայի սպառման համար ստեղծում է կեղծ իրականություն, ուր ներկայացնում է իր երեւակայական «հաղթանակը»: Իսկ սրանց հոգով ու սրտով վախկոտ ու ստրկամիտ բանակի հրամկազմը՝ շարունակում է կեղծ միֆեր ստեղծել՝ իրեն ներկայացնելով  «ամենակարողը»:

Տեղի ունեցող այս իրադարձությունների ֆոնին, սակայն, ինձ զարմացնում է մի բան. Ինչքա՞ն կարելի է, որոշ երկար ականջավորների թիվ մեկ քննարկման թեման մնալ հայոց բանակը, ՀՀ հայտնի ու ճանապարհ անցած գեներալներն ու հրամ կազմի ներկայացուցիչները, ովքեր բանակաշինության գործում իրենց մեծ ավանդն ու դերակատարությունն են ունեցել: Այս պատերազմական իրավիճակում, որքա ՞ն պետք է թմբկահարվեն գեներալների անունները: Վերջին ժամանակներս, չգիտես ինչու, եւ ում ձեռամբ,  թիրախի կենտրոնում է հայտնվել ՀՀ ռազմական գործիչ, ՀՀ ԶՈւ Գլխավոր շտաբի պետի տեղակալ, գեներալ-լեյտենանտ Հայկազ Բաղմանյանի անունը: 

Ո՞րն է այդ շահարկումների իմաստը. հոլովվել  գեներալների անունները՝ անդրադառնալով նրանց անվան հետ կապվող լեգենդար պատմությունների՝ կապված բիզնեսի, մենաշնորհների, թիկնապահների, շքեղ մեքեաններ ունենալու եւ այլնի հետ: Ինչքան կարելի է գրել օդի պղպջակի էֆեկտ ապահովող  պատմությունների մասին, որոնք իրականության հետ ոչ մի կապ  չունեն: 

Ոչի՞նչ, որ նույն գեներալ Բաղմանյանը, Ձեր մատնանշած հարստությունների՝ շքեղ մեքենաների ու թիկնապահների ՏԵՐԸ չէ: Գուցե շատերին ձեռնտու չէ՞, որ գեներալ Բաղմանյանը պետականամետ գործիչ է, ու հայոց բանակի նվիրյալներից է: Վերջապես ինչքա՞ն կարելի է օրը սկսել ու ավարտել Բաղմանյանի մասին հեքիաթներ, ստեր ու անհեթեթ պատմություններ ՊՏՏԱՑՆԵԼՈՎ…Միթե՞ դժվար է հասկանալ, որ մենք պատերազմող երկիր ենք: Իսկ երկրի, հայոց բանակի, այդ նույն բանակի ակունքներում կանգնած մարդկանց՝ գեներալիտետի մասին այսօր անհիմն լուրեր շպրտելն ու նրանց ուղղությամբ սլաքներ ուղղելը, հասկանում եք չէ՞, որ առնվազն թշնամու ջրաղացին ջուր լցնել է, ուրիշ ոչինչ: Ուղղակի ամո'թ է :

Այդ նույն գեներալ Բաղմանյանը, ի գիտություն ՈՄԱՆՑ, հայ–ադրբեջանական սահմանային լարումների առաջին իսկ օրվանից առաջնագծում է՝ մեր զինվորների կողքին: Նույնիսկ սահմանին կանգնած մեր հայ զինվորներն էին լրատվամիջոցներից մեկի հետ զրույցում խոստովանել, որ. «Մեր դուխը տեղնա, բայց էլ ավելի ենք դուխավորվում, երբ իմանում ենք, որ մեր թիկունքն ամուր է, ժողովուրդը սարի նման կանգնած է մեր մեջքին և մեզ հետ դիրքեր են գալիս 90-ական թվականներին պատերազմ հաղթած կամավորականներ և գեներալներ:
Գեներալ Բաղմանյանից, ով արդեն մի քանի անգամ այցելել է մեզ մոտ առաջնագիծ, որոշ բաներ ենք սովորում ու ոչ միայն նրա ներկայությունը, այլ շատ գեներալների ու շատ բարձրաստիճան սպաների ներկայությունը ավելի է դուխավորում մեզ»:

Ժամանակն է, վերջ տալու թշնամուն հաճո գործողություններն ու տեղեկատվական այս սադրանքների տեռորը, որն իրականացվում է գեներալիտետի ուղղությամբ: Նախ անցեք նույն Բաղմանյանների, այս դեպքում գեներալ Հայկազ Բաղմանյանի անցած ճանապարհը, նոր իրավունք վերապահեք, Ձեր ԲՈՅԻՑ ՈՒ ՔԱՇԻՑ վեր գործեր բռնելու: Հատկապես, որ այդ գործ բռնողների մեծ ականջները վաղուց մի տեսակ դուրս են եկել, կարծես թե: Չափներդ ճանաչե'ք: Այդ նույն հանրությունը լավ գիտի. Ձեզ էլ, Բաղմանյանին էլ: 

Press Press