Թթվի Քար» մականվամբ երիտասարդի Infiniti-ն տեղափոխվեց «գաի պլաշչադկա». օրինախախտը «խոնարհվեց» ՃՈ աշխատակցի աշխատանքային փայտիկի առաջ

Տևական ժամանակ է, SHAMSHYAN.com-ը ահազանգեր էր ստանում, որ Երևան քաղաքում Infiniti մակնիշի 07 NM 070 համարանիշի ավտոմեքենայի վարորդը, քաղաքի տարբեր հատվածներում իրեն համարելով «լավ տղա», չարամտորեն խախտում է ճանապարհային երթևեկության կանոնները:

Ականատեսներն ասում են, որ նա հաճախակի է լինում Երևանյան լճի կամրջի մոտ գտնվող «գիշերային թիթեռնիկների» հատվածում և իր կարճ խելքով փորձում է «թիթեռնիկ կպցնել», սակայն մերժում ստանալով՝ հանգստանում է ճանապարհային երթևեկության կանոնները խախտելով:

Ինչպես հայտնում է ֆոտոլրագրող Գագիկ Շամշյանը, երեկ՝ հունիսի 3-ին, նշված Infiniti-ն տեղափոխվել է Երևանի ՃՈ պահպանվող հատուկ տարածք: 

Գ. Շամշյանի տեղեկություններով՝ վարորդը բնակվում է Մալաթիա-Սեբաստիա վարչական շրջանի Անդրանիկի 104 շենքում, իսկ մալաթիացիներն ասում են, որ նրա մականունը «Թթվի Քար» է:

Օրեր առաջ ֆոտոլրագրողը լուսանկարների շարք է արել, թե ինչպես է մալաթիացիների նշված Թթվի Քարը չարամտորեն խախտում երթևեկության կանոնները և մեքենան վարում առանց ամրագոտու: Ասում են նաև, որ նրա մոտ գուցե մանկուց «խասիաթ է ձևավորվել»՝ իր ընկերներին ու բարեկամներին ավտոմեքենայի միջից բարևում է՝ միջնամատ ցույց տալով, սակայն այս անգամ նա «խոնարհվեց» ճանապարհային ոստիկանի աշխատանքային փայտիկի առաջ: