«Պաշտոնյաները պետք է իմանան, որ իրենք նախարար, ու պաշտոնյա չեն ծնվել. Թո՛ղ գնան իրենց գործերով զբաղվեն»...

Մամուլում շրջանմառվող լուրերի համաձայն` Նոյեմբերի վերջին նախատեսված է Վիկտոր Դալլաքյանի նորաստեղծ «Շրջադարձ» կուսակցության համագումարը, որի ժամանակ պաշտպանության նախկին նախարար Սեյրան Օհանյանն, (ըստ նույն լուրերի) ընտրվելու է կուսակցության նախագահ, Վիկտոր Դալլաքյանը՝ քաղխորհրդի նախագահ»: Քաղաքագետ Լևոն Շիրինյանը կուսակցություն ստեղծելու շարժառիթ չի տեսնում: Նա դրանք անվանում է արհեստական կուսակցություններ: «Այսինքն ի՞նչն են «շրջադարձ» անում, ինչի՞ց են «շրջադարձ» լինում…»,-Fnews.am-ի հետ զրույցում ասաց քաղաքագետը, ում դիտարկմամբ` «շրջադարձ»-ը ենթադրում է քաղաքական փոփոխություն: Լևոն Շիրինյանը կասկածամտորեն է վերաբերվում թե՛ կուսակցության ստեղծման և թե՛ Պաշտպանության նախկին նախարար Սեյրան Օհանյանի Հավաքական անվտանգության պայմանագրի կազմակերպության (ՀԱՊԿ) գլխավոր քարտուղարի պաշտոնից հրաժարվելու մասին լուրերին:

Նրա որակմամբ դա «բլեֆ» է: «Ես 70 թվականից ապրում եմ Հայաստանում և 89թ-ից շարժման մեջ եղածներին գոնե հեռվից հետևում եմ, ես չեմ տեսել Հայաստանում որևէ մեկը հրաժարվի իրեն առաջարկված պաշտոնից: Լևոն Տեր-Պետրոսյանին անգամ մինչև չպարտադրեցին` հրաժարական չտվեց…հրաժարականի ինստիտուտը Հայաստանում չի աշխատում, մինչև չեն պարտադրում»,- պարզաբանեց Լևոն Շիրինյանը: Նա չի բացառում Սեյրան Օհանյանի ունեցած արտաքին կապերի մասին լուրերը. որպես զինվորական նա կարող է արտաքին կապեր ունենալ, սակայն քաղաքագետը դեմ է Հայաստանում, որևէ երկրի քաղաքական ներկայությանը, լինի դա ՌԴ, ԱՄՆ, Չինաստան, թե մեկ այլ երկիր: «Եթե Վիկտոր Դալլաքյանն ու Սեյրան Օհանյանը կուսակցություն են ստեղծում և մտնում քաղաքականության մեջ, առանց «պապա» ունենալու, փայլուն է. թող մտնեն...

Որպեսզի երկիրը զարգանա, հայը պետք է լինի հայամետ և հետեւի հայաստանակերտող քաղաքականությանը, մնացածը մեր շահերից չի բխում…»,-ասում է քաղաքագետը, ևս մեկ անգամ ընդգծելով, որ բամբասանքներին չի տրվում, քանի որ շրջանառվող լուրերը իրատեսական չեն:
Նա այս ամենի մեջ քաղաքական ինտրիգ է տեսնում: «Հայաստանում ոչ թե կլասիկ, քաղաքակիրթ քաղաքականություն է, այլ ինտրիգ է. չկա քաղաքական կուսակցություն, դրանք շահերի խմբեր են, և զբաղված են ինտրիգով, լինեն իշխանության մեջ, թե իշխանությունից դուրս…»,- նշեց Լևոն Շիրինյանը: Ինչ վերաբերվում է Վիկտոր Դալլաքյանին, ապա քաղաքագետի գնահատմամբ, նա շատ լավ խորհրդական է, բայց շատ վատ քաղաքական գործիչ, որը քաղաքականության մեջ ոչ մի փոփոխություն չի կարող անել:

Ընդհանարպես Լևոն Շիրինյանը վստահեցնում է. մինչև ապրիլ ամիս կտեսնենք շատ անակնկալներ և արհեստական ճյուղավորումներ, որոնք խորհրդարանում կմիանան: Անդրադառնալով պաշտոնից հեռացված մյուս նախարարներին, ովքեր շրջանառվող լուրեի համաձայն` «նեղացած» են հեռացել, Լևոն Շիրինյանը նկատեց, որ նրանցից ոչ մեկի վերադարձը այս կամ այն ձևաչափում չի տեսնում: Նա մեջբերում է գեներալ Դը Գոլի խոսքը. «Քաղաքացին պետք է և պարտավոր է ընկեր ունենալ, քաղաքական գործիչը` երբեք»: «Տարած հետ բերա՞ծ …չէ, չեմ կարծում: Այդ նախարարներն այնպես էին նայում վարչապետին՝ ասես չգիտեին, որ իրենք են այդ ճգնաժամի մեղավորները ու փողերն էլ ես եմ կողոպտել…նրանք պետք է պատասխան տան դրա համար ու վերադարձնեն կողոպտված գումարները:

Պաշտոնյաները պետք է իմանան, որ իրենք նախարար, կամ պաշտոնյա  չեն ծնել: Թո՛ղ գնան իրենց գործերով զբաղվեն…»:

Արմինե Սահակյան