ՆՈՐ ՄԱՆՐԱՄԱՍՆԵՐ. Դպրոցի տնօրենը սառնասրտորեն սպանել է. պնդում է սպանված բժիշկ Լևոն Սահակյանի հայրը

Սպանված 22-ամյա բժիշկ Լևոն Սահակյանի հայրը՝ Տիգրան Սահակյանը, կարծում է, «Պատանի լրագրողների» դպրոցի տնօրեն Վահան Ղազարյանը կանխամտածված է սպանել որդուն:

Այս մասին երեկ մեր հարցին ի պատասխան ասաց տուժողի իրավահաջորդի ներկայացուցիչ Վարդուհի Էլբակյանը: Լևոն Սահակյանի հայրը գործով ներգրավվել է որպես իրավահաջորդ:

Հիշեցնենք, որ հոկտեմբերի 19-ի երեկոյան «Պատանի լրագրողների» դպրոցի տնօրեն Վահան Ղազարյանի եւ Լևոն Սահակյանի միջև վիճաբանությունը սկսվել էր Լևոնի նշանածի աշխատավարձը չվճարելու պատճառով: Դպրոցի տնօրեն, «Վան» հեռուստաստուդիայի ղեկավար Վահան Ղազարյանը նրան հանդիպման է կանչել, որից հետո Լևոն Սահակյանը վնասվածքներով տեղափոխվել է հիվանդանոց: Հիվանդանոցում պարզվել է, որ վնասվել են երիտասարդի թոքն ու սիրտը: «Արմենիա» բժշկական կենտրոնում նրան անմիջապես վիրահատել են: Երկու օր անց, սակայն Սահակյանը հիվանդանոցում մահացել է: Վահան Ղազարյանը չի ընդունում մեղադրանքը՝ պնդելով, որ Լևոնին սպանելու դիտավորություն չի ունեցել:

Սույն թեմայի վերաբերյալ մեր մի քանի հարցերին պատասխանել է տուժողի իրավահաջորդի ներկայացուցիչը:

- Վարդուհի, տուժողի հայրը՝ Տիգրան Սահակյանը, քրեական գործիշրջանակներում հարցաքննվե՞լ է:

- Սկզբնական շրջանում հարցաքննվել է, սակայն դրանից հետո չի հարցաքննվել: Նրա հարցաքննության ժամանակ ես դեռ ներգրված չեմ եղել: Հետագայում կհարցաքննվի և ավելի մանրամասն ցուցմունք կտա դեպքի հետ կապված: Ինքը, բնականաբար, ականատես չի եղել, տեղեկացված է այնքանով, որքանով որ պատմել է Լևոնի ընկերը կամ նրա նշանածը:

- Դեպքից առաջ Լևոն Սահակյանը հոր հետ խոսե՞լ է, տեղյակ պահե՞լ է, որ գնումէ Վահան Ղազարյանի հետ հանդիպման:

- Հանդիպման մասին հայրը տեղյակ չի եղել: Դանակահարությունից անմիջապես հետո Լևոնը զանգել է հորն ու ասել, որ վիրավոր է, քանի որ հայրն էլ մասնագիտությամբ բժիշկ է, ասել է՝ հասիր մոտակա հիվանդանոց, իսկ մոտական եղել է «Արմենիա» հանրապետական բժշկական կենտրոնը: Լևոնն ինքն էլ եղել է մեքենայի ղեկին, հիվանդանոցը շատ մոտ է եղել, հասել է, վիրահատել են, կատարվել են համապատասխան հետազոտությունները, դրանից հետո արդեն տեղյակ եք՝ ուշքի չգալով, հաջորդ օրը մահացել է:

- Գործով մեղադրյալը չի ընդունում, որ Լևոնին սպանելու դիտավորություն էունեցել: Սրա հետ կապված իրավահաջորդն ի՞նչ դիրքորոշում ունի:

- Պարոն Սահակյանն ունի իր դիրքորոշումը, ցուցմունք կտա, որից հետո, եթե ցանկանա, մամուլին կտեղեկացնենք: Բայց սպանելու հետ կապված՝ Տիգրան Սահակյանը կոնկրետ դիրքորոշում ունի: Նա ասում է, որ Վահան Ղազարյանը դիտավորյալ, սառնասրտորեն, կանխամտածված արել է այդ գործողությունները:

- Մեր տեղեկություններով, մեղադրյալ Վահան Ղազարյանը Լևոնին և ընկերոջըսպառնացել է նաև ատրճանակով: Տուժող կողմը նման տեղեկատվությանտիրապետո՞ւմ է:

- Պարոն Սահակյանից տեղեկացել եմ նաև այդ հանգամանքի մասին: Ըստ նրա ունեցած տեղեկատվության՝ էդպես էլ եղել է, նաև սպառնացել է զենքով, դա եղել է դանակահարությունից հետո:

Շարունակությունը՝ այստեղ