Ձերբակալվել են քրեական հեղինակություն քյավառցի Ալիկ Բանդուրյանն ու նրա ընկերը՝Արմեն Գալստյանը (Բդո մականվամբ)

Fnews.am-ին հասած տեղեկությունների համաձայն, նոյեմբերի 13-ին Շենգավիթ թաղամասում գործող «Լիա» գեղեցկության սրահում տեղի ունեցած սպանության գործի շրջանակներում, այսօր առավոտյան խանութ մտնելիս   բերման են ենթարկել քրեական հեղինակություն քյավառցի Ալիկ Բանդուրյանին  ու նրա ընկերոջը՝ Արմեն Գալստյանին (Բդո մականվամբ): 

Հիշեցնենք, որ  2016 թվականի նոյեմբերի 13-ին Շենգավիթ վարչական շրջանում գործող գեղեցկության սրահներից մեկում հնչած կրակոցների հետևանքով ստացած հրազենային վնասվածքներից մահացել է երկու անձ՝ Երևան քաղաքի բնակիչներ Գևորգ Ավետիսյանը և Մուշեղ Մուշեղյանը, իսկ մեկը՝ Արամ Պետրոսյանը, կրծքավանդակի աջ հատվածում ստացել հրազենային վնասվածք, ում պատճառված վնասվածքը գնահատվում էր ծանր: Դեպքի առթիվ Շենգավիթ վարչական շրջանի քննչական բաժնում հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին մասի, 34-104-րդ հոդվածի 2-րդ մասի 1-ին կետի և 235-րդ հոդվածի 1-ին մասի հատկանիշներով, որի նախաքննությունը, ՀՀ քննչական կոմիտեի նախագահի հանձնարարությամբ, նոյեմբերի 14-ից շարունակվում է ՀՀ քննչական կոմիտեի Երևան քաղաքի քննչական վարչությունում: