Արտակարգ դեպք Երևանում. Renault Logan մակնիշի ավտոմեքենան փրկարարների շնորհիվ չվերածվեց մոխրակույտի և պայթյուն տեղի չունեցավ

Այսօր՝ դեկտեմբերի 9-ին, ավտոմեքենայի հրդեհի դեպք է տեղի ունեցել Երևանում: Ժամը 20:00-ի սահմաններում Արտակարգ իրավիճակների նախարարության փրկարար ծառայության օպերատիվ կառավարման կենտրոն ահազանգ է ստացվել, որ Մալաթիա-Սեբաստիա վարչական շրջանի Բաբաջանյան փողոցի և Իսակովի պողոտայի խաչմերուկի մոտակայքում ավտոմեքենա է այրվում: 

Ինչպես դեպքի վայրից հայտնում է ֆոտոլրագրող Գագիկ Շամշյանը, օպերատիվորեն հրդեհի վայր է ժամանել թիվ 7 հրշեջ-փրկարարական ջոկատը՝ 1 մարտական հաշվարկով: 

Ժամանել է նաև ճգնաժամային կառավարման ազգային կենտրոնի օպերատիվ խումբը՝ փրկարար ծառայության կապիտան Գարի Արմաղանյանի գլխավորությամբ:

Հրշեջները մարել են «Էլեգանտ» տաքսի ծառայությանը պատկանող Renault Logan մակնիշի 710OP61 համարանիշիւ մեքենայում առաջացած հրդեհը: 

Գ. Շամշյանի տեղեկություններով՝ վարորդը՝ Սամվել Սարգսյանը, բարեբախտաբար, չի տուժել: Այրվել է ավտոմեքենայի շարժիչի հատվածն ու և ցուցիչի վահանակը: 

Դեպքի վայր են ժամանել նաև Երևանի ճանապարհային ոստիկանության աշխատակիցները: 

Հրդեհի պատճառները պարզվում են:

Ֆոտոլրագրողը հայտնում է, որ եթե հրշեջները օպերատիվ և պրոֆեսիոնալ չգործեին, ապա մեքենան կվերածվեր մոխրակույտի և չէր բացառվում, որ պայթյուն տեղի ունենար, քանի որ ավտոմեքենան գազաբալոնով է: 

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: 

http://shamshyan.com/hy/article/2016/12/09/103628/