Ամեն անգամ հետ ու առաջ հո չենք կարող անել,Պետոյանը ԲՀԿ-ի ու Ծառուկյանի հետ այլեւս չի համագործակցի

Նախկին ԲՀԿ-ական, այժմ անկուսակցական պատգամավոր Մուշեղ Պետոյանը դեռեւս վերջնական որոշում չի կայացրել՝ 2017-ի խորհրդարանական ընտրություններին կառաջադրի՞ թեկնածությունը Շիրակի ընտրատարածքում, թե ոչ:

Պետոյանը վստահ պնդում է միայն՝ նախկին կուսակցության՝ ԲՀԿ-ի եւ քաղաքականություն վերադարձի շեմին հայտնված Գագիկ Ծառուկյանի հետ հաստատ ճանապարհ չի անցնի. «Քաղաքական իրավիճակ փոխվեց, մենք դուրս եկանք այդ թիմից,ամեն մեկն իր ճանապարհով գնաց, որոշումներ կայացրեցինք եւ այլն, եւ այլն, ամեն անգամ հետ ու առաջ հո չենք կարող անել, ինչքանո՞վ է ճիշտ, ինչքանո՞վ լավ կնայվի», -հարցնում է նա:

Պետոյանն նախնական պայմանավորվածություն ունի ՀՀԿ-ի հետ. «ՀՀԿ-ի հետ է նախնական խոսակցություն եղել, բայց վերջնական որոշումը կկայացնեմ եկող տարվա սկզբին,պիտի իմ թիմի հետ հանդիպեմ, մեր քաղաքի ընտրողների, պիտի ժողովրդի սրտով գնանք»-հիմնավորեց պատգամավոր Պետոյանը, իսկ մեր ճշտող հարցին պատասխանեց, որ այլ կուսակցությունների առաջարկներ չի էլ քննարկի:

Հիշեցնենք, որ Մուշեղ Պետոյանը հոկտեմբերի ՏԻՄ ընտրություններին թեպետ վայելում էր ՀՀԿ-ի աջակցությունը, բայց Շիրակի մարզի Արթիկ քաղաքի համայնքապետի ընտրություններին պարտվեց ինքնաառաջադրված ՀՀԿ-ական Մխիթար Վարագյանին: Մեր հարցին, թե այդ պարտությունից հետո իշխանությունը ինչո՞ւ պիտի աջակցի իր թեկնածությունը Պետոյանը նեղսրտեց. «Հարյուր ձայնը պարտությո՞ւն եք համարում»:

http://hraparak.am/?p=133666&l=am/amen+angam+hetvo%D6%82+araj+ho+chenq+karox+anelpetoyany+bhk-ivo%D6%82+carukyani+het+ayle%D6%82s+chi+hamagorcakci