«Սեյրան Օհանյանն իր տիկնոջ ծաղիկների ֆոնին երջանիկ նկարվում էր, իր ապարանքն էր կառուցում, ի՞նչ հաշիվներով, ի՞նչ միջոցներով՝ ոչ-ոք չգիտի, ու հետո հանկարծ դառնում է գործող իշխանության ընդդիմությունը. սա տրագիկոմեդիա է»

Զոյա Թադևոսյանը դաշինքների ստեղծման մասին

Այն, որ բոլոր համապետական ընտրություններին ընդհառաջ  դաշինքներ են ձևավորվում, ՀԱԿ վարչության անդամ Զոյա Թադևոսյանի համար նորություն չէ: Նա Fnews.am-ի հետ զրույցում նկատում է, որ տարիներով մոռացված կուսակցությունները, որոնք ո'չ մի անգամ, ո'չ մի առիթով,  ոչ մի հայտարարությամբ երկրում տիրող իրավիճակի մասին որևէ հայտարարությամբ հանդես չեն եկել, հանկարծ արթնանում են քնից ու հայտնվում ակտիվ քաղաքական դաշտում…

Կամ՝անգամ նախկին իշխանավորն է դառնում ընդդիմություն... Սրանք այն հին քաղաքական դեղատոմսերն են, որ արհեստավարժորեն օգտագործվում են՝ քաղաքական դաշտում խուճապ առաջացնելու նպատակով: Խուճապ՝ ժողովրդի համար, որպեսզի ժողովուրդը մոլորության մեջ ընկնի, չհասկանա ով՝ ով է, և այս ձևով ձայները փոշիացնեն...Առավելագույն ձայներ հավաքող այլ կուսակցություն չի լինի և ավելի շատ ձայներ կհավաքի նորից գործող իշպանությունը և կկարողանան վերարտադրվել»,-նկատում է Զոյա Թադևոսյանը: Նրա դիտարկմամբ՝ եթե անգամ ինչ-որ դաշինքներ էլ կարողանան մեծ ձայներ հավաքել՝ նրանք հետո կմիավորվեն գործող իշխանությունը ներկայացնող կուսակցությանն ու այդ կուսակցությունը կգնա հավերժացման իր ծրագրով: «Սա այնքան ակնհայտ է, որ նույնիսկ երկրոդ կարծիք չի կարող լինել: Ես դա կարող եմ «քյանդրբազություն կոչել»,-ասում է ՀԱԿ ներկայացուցիչը:

Ըստ նրա, եթե իշխանությունն այսօր հանձնեց իր իշխանությունը, նշանակում է արդեն դատավճիռ ունի, որը հաստատ ի կատար կածվի: Քանի որ, եթե գա երկրի ճակատագրով մտահոգ նորմալ իշխանություն, ապա նրանք պետք է «իրենց արժանի պատիժը ստանան՝ իրենց կատարած հանցագործությունների համար»: Սակայն Զոյա Թադևոսյանը չի կարծում, որ այս իշխանությունը հեշտ ու հանգիստ կարող է զիջել իր իշխանությունը, և դրա համար էլ արդեն ընտրել են այս «քյանդրբազության ճանապարհը»: Ըստ մեր զրուցակցի՝ այստեղ հիմնական դերակատարը ժողովուրդն է, որը պետք է կարողանա ճիշտ եզրակացություն անել և կողմնորոշվել: Նրա համոզմամբ՝ ժողովուրդը պետք է հավատա ոչ թե դատարկ խոսքերին, այլ դաշինք կազմող մարդկանց անցյալին ու կատարած գործին, որը նրանց կենսագրության մասն է կազմում:

Զոյա Թադևոսյանը հիշեցնում է, թե ինչպես տարիներ շարունակ ահազանգել են բանակում տիրող իրավիճակի մասին, ու ոչ մի արձագանք չի եղել Պաշտպանության նախարարի կողմից: «Սեյրան Օհանյանն իր տիկնոջ ծաղիկների ֆոնին երջանիկ նկարվում էր, իր ապարանքն էր կառուցում, ի՞նչ հաշիվներով, ի՞նչ միջոցներով՝ ոչ-ոք չգիտի, ու հետո հանկարծ դառնում է գործող իշխանության ընդդիմությունը: Սա ծիծաղելի չէ, սա տրագիկոմեդիա է: Չգիտես ծիծաղես ու նստե՞ս, թե՞ արցունքերդ մաքրես... ա՛յ, այս ամենից պետք է ժողովուրդը եզրակացություն անի», - ասում է Զոյա Թադևոսյանն ու ընդգծում, որ ժողովուրդը չի կարող հավատալ նրանց, ովքեր հանկարծակի սկսեցինն քաղաքական դաշտում հայտ ներկայացնել, կուսակցություններ ստեղծել: Նա նկատում է, որ նոր կուսակցությունների կարիք չկար, քանի որ եղածների մեջ էլ գաղափարախոսության ընտրությունը մեծ էր: «Դրանք արհեստականորեն ստեղծված, հենց այնպես գրանցված կուսակցություններ են, որոնց խնդիրն է փչացնել ամբողջ քաղաքական դաշտը, կարճ ժամանակահատվածում անել իրենց սև գործը և հետո անցնել իրենց թալանի ավանդական գործընթացին»,-եզրափակեց Զոյա Թադևոսյանը:

Ա. Սահակյան