Բա՜ Արգամիչ, տեսնո՞ւմ ես , էդ անտեր ԲԱՄՓ-ն էլ պաշտոնի նման մի բան ա՝ մի օր ԲԱՄՓՈՒՄ ԵՍ, մի օր էլ՝ԲԱՄՓՎՈՒՄ...

Գայանե Զարգարյանը

ֆեյբուքյան իր էջում գրել է.

Նախօրեին ՀՀԿ խորհրդի նիստի առյուծի բաժինը, ինչպես եւ սպասվում էր՝ նվիրված էր Գագիկ Ծառուկյանին,  եւ նրա խնամի Հովիկ Աբրահամյանին: 
Չնայած որ, ՀՀԿ ախպեր-տղերքը հավաքվել էին լրիվ ուրիշ առիթով: Կարճ ասած՝նախընտրական կամպանիային նախապատրաստվելու կարեւորգույն գործով:
Այն էլ, ուրբաթը շաբաթից շուտ եկավ: Եւ ՀՀԿ նիստի ժամանակ, կարծես թե ԲԱՄՓՎԵՑ նախորդ տարի առյուծ խնամուն բամփող Արգամիչը:
Բայց եւ հանուն ճշմարտության պետք է նշել, որ ո'չ Սերժ Սարգսյանը, եւ ո'չ էլ մյուսները ուղղակիորեն չտվեցին Հովիկ Աբրահամյանի անունը, առավել եւս նրա ոչ պակաս հայտնի մականունը:

ՀՀԿ Խորհրդի նիստին, Սերժ Սարգսյանը անդրադառնալով երկրում տիրող ներքաղաքական իրավիճակին, ասել էր հետեւյալը.
«Մի քանի խոսք, ընդամենը երկու բառ այս օրերին հետաքրքրություն ներկայացնող մյուս հարցերի, այդ թվում՝ Գագիկ Ծառուկյանի քաղաքական դաշտ վերադառնալու և դաշինքներ ձևավորվելու մասին: Շատ հակիրճ եմ ասում՝ ես չեմ ողջունել Գագիկ Ծառուկյանի քաղաքական դաշտ վերադառնալը, իսկ ինչ վերաբերում է դաշինքների կազմավորմանը կամ քաղաքական տարբեր ուժերի մասնակցությանը ընտրապայքարին, ինչպես ասացի՝ դրական երևույթ եմ համարում: Մյուս հարցը առավել քան ծիծաղելի է. ուղղակի զավեշտական են այն փորձերը, որ անում են մարդիկ՝ ցանկանալով ներկայացնել, թե Հանրապետականից արտահոսք կա: Ի՞նչ ասեմ, դուք էլ գիտեք, որ դա անհեթեթություն է. միայն վերջին մի քանի ամիսներին մեր կուսակցությանը անդամագրվել է 11000-ից ավելի մարդ: Ուզում եմ այս թեմային արձագանքել փոխաբերաբար: Գիտեք՝ մայր գետերը, առաջընթաց են ապահովում իրենց հոսքի ողջ երկայնքով, կյանք են տալիս, հաց են տալիս, ջուր են տալիս, և այն առվակները, որոնք պոկվում են մայր գետից և կարճ ժամանակում նորից չեն մտնում նույն հոսքի մեջ, չորանում ու գնում են: Սա՛ է բնության օրենքը, և որևէ մեկը մեզնից չի կարող հակադրվել բնության օրենքներին, մենք կարող ենք փորձել կառավարել, կարգավորել, բայց, ըստ էության, այսպես է լինելու»։

Իսկ ահա այսօր, մայր գետից առանձնացող եւ ապագայում չորանալու վտանգի տակ հայտնվող վտակների պաշտպանության գործը, իսկույն ստանձնեց Գագիկ Ծառուկյանի խնամի, ամենակարող Արգամիչը՝ (դե ճիշտ էր ասում էլի, որ քաղաքականությամբ զբաղվելու համար խելք պետք չի), ֆեյսբուքյան իր էջում կատարելով դարի ահեղ գրառումը.

«Գետերի և առվակների փոխաբերությունը լավն էր: Ինքս էլ հավանել եմ: Չմոռանանք նաև, որ մայր գետերը ոչ այլ ինչ են, քան ինքնամոռաց առվակների միավորում: Բայց ինչ-որ պահից գետ լցվող տեխնոլոգիական գործարանի խառնուրդային ջրերը կմխտռեն ողջ մայր հունը, անպիտան կդառնա ամբողջը: Միգուցե մինչ այդ պոկված՝ դեռ սեփական հողի հոտը կրող առվակները, մինչև ոչնչանալը, հասցնե՞ն գոնե մեկ-երկու բնակավայրի կյանք պարգևել»:

Արգամիչի դարակազմիկ գրառումից հետո էլ, նախկին վարչապետին իր տեղը ցույց տվեց ՀՀԿ-ական ծանր հրետանի Արմեն Աշոտյանը, ով ի պատասխան Արագմիչի ֆեյսբուքյան ստատուսին, ֆեյսբուքյան իր էջում թողել էր հետեւյալ գրառումը.

«Քաղաքականությունը քաղաքականությամբ, բայց ոչ հեռավոր ընդհանուր քաղաքական ուղին պետք է թելադրի նաև մարդկային փոխհարաբերությունների նվազագույն մակարդակ: Նախկին վարչապետի ֆեյսբուքյան վերջին երկու գրառումները տխրեցրեցին ինձ: Իհարկե, ամեն մեկն ինքն է իր ճանապարհի, տվյալ դեպքում՝ հունի, տերը: Ոչինչ հավերժ չէ, սակայն պետք է պահել հրապարակային կյանքի ընդունելի ձևաչափ: Հատկապես, երբ խոսքը գնում է քո նախկին թիմի, քո նախկին թիմակիցների և քո նախկին քաղաքական և ներկա պետական ղեկավարի մասին: Ոչ մի մանդատ, ոչ մի աթոռ, ոչ մի պաշտոն չի կարող արդարացում լինել անցած ճանապարհը մոռանալու և կեցվածք փոխելու համար: Մարդիկ դա ճիշտ չեն համարում և չեն հասկանում: Բոլորը: Մասնավորապես, նախկին թիմակիցներդ, ում հետ կիսած հացի արժեքն ու անցած ճանապարհը, մեկ է, առվակների ցանկացած հունի դեպքում, տանելու է դեպի անցյալ, որ բախվում է ներկային և մշուշոտ դարձնում ապագան: Հուսամ, մինչև բուն քարոզարշավ նման առիթով կրկին հանդես գալու կարիք չի լինի»:

Բա~ Արգամիչ, տեսնում ե՞ս, էդ անտեր ԲԱՄՓ-ն էլ պաշտոնի նման մի բան ա ՝ մի օր ԲԱՄՓՈՒՄ ԵՍ, մի օր էլ՝ԲԱՄՓՎՈՒՄ...

Հ.Գ

Խոսքը մեր մեջ , Աշոտյանի ձեռքն էլ՝ խնամիների վրա լավ բացվել ա...

Հիմա կարճ, կոնկրետ, կողմնորոշվեք. դուք մայր հունից առանձնացած վտակ ե՞ք, թե՞ ապշած լճակ... 

Facebook.

Gayane Zargaryan