Ինչ եւ ուր է արտահանում Հայաստանը
Հայաստանից արտահանման ցուցանիշները 2016 թվականին էական՝ 20 տոկսանց աճ են արձանագրել: Այս ցուցանիշը գրանցվել է 2015 թվականի համեմատ, երբ հատկապես ռուսական շուկայում առաջացած ճգնաժամի պատճառով էական անկում էր ապրել արտահանման ոլորտը:
Միաժամանակ, 2016-ի ցուցանիշները գերազանցում են նաև 2014 թվականի արտահանման ցուցանիշները: Եթե 2014 թվականին Հայաստանից արտահանվել էր 1 մլրդ 547 մլն 286.8 հազար դոլարի ապրանք, ապա 2016-ին դա կազմել է 1 մլրդ 782 մլն 924.7 հազար դոլար:
Դեպի ԱՊՀ երկրներ արտահանման ծավալներն աճել են 43.5, այդ թվում՝ դեպի Ռուսաստան՝ 51.5 տոկոսով: Եվրամիության երկրներ արտահանված ապրանքների ծավալն աճել է 15.9, իսկ այլ երկրներ՝ 13.7 տոկոսով:
Ուսումնասիրելով Ազգային վիճակագրական ծառայության հրապարակած տվյալները՝ պարզ է դառնում, որ արտահանման կառուցվածքում առաջին տեղում հանքահումքային արտադրանքի արտահանումն է: 2016 թվականին Հայաստանից արտահանվել է 470 մլն 874.6 հազար դոլարի հանքահումքային արտադրանք:
Սակայն 2015 թվականի համեմատ այս ոլորտի արտադրանքի արտահանման աճ չի գրանցվել: Աճը գրանցվել է հիմնականում թանկարժեք և կիսաթանկարժեք քարերի, թանկարժեք մետաղների և դրանցից պատրաստված իրերի արտահանման գծով: Այս արտադրանքը ևս մեծ մասնաբաժին ունի արտահանման կառուցվածքում, որի ծավալները 2015-ի համեմատ աճել են միանգամից 73.9 տոկոսով:
Հաջորդում է պատրաստի սննդի արտադրանքի արտահանումը, այդ թվում են նաև գինին ու կոնյակը: 2015 թվականի համեմատ Հայաստանից պատրաստի սննդի արտադրանքի արտահանումն աճել է 28.6 տոկոսով:
Ինչ վերաբերում է ներմուծման ցուցանիշներին, ապա դրանք նախորդ տարի մեծ աճ չեն արձանագրել՝ ընդամենը 1.6 տոկոս:
Մեգերյանների ընտանիքը զբաղվել է հին գորգերի վերականգնումով և նոր գորգերի արտադրությանբ ավելի քան չորս սերունդ
Եւ այսօր իրապես մեծ է փաստաբան Լեւոն Բաղդասարյանի նման հանուն իրավունքի եւ արդարության շահը ճանաչող ու ամեն ինչից վեր...
Մարդու ամենամեծ ձեռքբերումը՝ հավատն եմ համարում.Սամվել Շահնազարյան
Սահմանազատման երեք տարբերակ է քննարկվել
Ադրբեջանն Ալմա-Աթայի հռչակագրից հրաժարվելու հիմքեր է ամրագրել, որ ավելին ստանա Հայաստանից
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումները»
«Այս իշխանությունը «կաղ բադիկ է», գնացող, խնդիրը զուտ արտաքին և ներքին քաղաքական որոշումն է». «Փաստ»
«Ամեն օր եկեղեցում մոմ էի վառում ոչ միայն իր, այլ մեր բոլոր տղաների համար. երբեք չեմ ցանկանա, որ որև...
