«Անունս մոռացի՛ր, եւ զբղվի՛ր քո կյանքով».Ալիկ Սարգսյանը՝ ինտրիգների սիրահարներին եւ իրեն նախանձողներին».VIDEO

Արարատի մարզում լուրջ լարվածություն եւ ինտրիգ չկա, եւ որեւէ մեկը անօրինականությունների չի դիմում՝ ՀՀԿ-ի ձայները կենտրոնացնելու համար։ Fnews.am-ի հետ զրույցում համոզմունք հայտնեց նախկին ոստիկանապետ, ՀՀ նախագահի նախկին խորհրդական, Հանրապետական կուսակցության Արարատի տարածքային կառույցի ղեկավար Ալիկ Սարգսյանը՝ հորդորելով ամեն մեկին զբաղվել իր գործով ու ախորժակներ չունենալ, որ Արարատի մարզում սկանդալային տրամադրություններ կստեղծվեն: 
ՀՀ նախկին ոստիկանապետը, մեզ հետ զրույցում եւս մեկ անգամ ընդգծեց, որ կոշտ միջոցների դիմելը իր ոճը չէ՝ իր տեսակը չէ: Ես կարող եմ մարդկային փոխհարաբերությունների դաշտում շատերի հետ խոսել, շփվել, առնչվել, բայց դա չի նշանակում, որ ես օրենքից դուրս ինչ-որ մի քայլ եմ կատարում:

Որպես «Հանրապետական» կուսակցության մարզային խորհրդի նախագահ՝ ես ունեմ մեկ գերնպատակ. իմ կուսակցության համար համապատասխան ձայներ ապահովել։ Իսկ թե ովքեր, ինչ կուսակցություն են ներկայացնում, նախկինում ինչ հարաբերություններ են ունեցել, ովքեր էսօր ինչ տիպի քարոզարշավ են իրականացնում, դա արդեն բացառապես իրենց խնդիրն է:
Ես ոչ մեկի դեմ պայքարելու խնդիր չունեմ.ես եկել եմ ընդամենը իմ կուսակցության ձայները պաշտպանելու, եւ մեր կուսակցության քարոզարշավը պատշաճ մակարդակով կազմակերպելու համար։ 
Ճշտող հարցին, թե արդյո՞ք Ալիկ Սարգսյանը լարված հարաբերություններ ունի ՀՀԿ-ի մյուս՝ ռեյտինգային ցուցակում առաջադրված թեկնածուների հետ, ապա պատասխանը շատ հստակ էր. «Ադպիսի բան չկա, եւ չի էլ կարող լինել: Հավատացնում եմ՝ անելու ենք հնարավորը մարզում խաղաղ, արդար եւ թափանցիկ ընտրություններ կազմակերպելու համար»:
Իսկ թե իրականության հետ որքանո՞վ աղերս ունեն այն խոսակցությունները, որ Արարատի տարածքային կառույցի ղեկավարը շարունակում է իր մոտ հրավիրել մարզի համայնքի ղեկավարներին, եւ նրանց առջեւ պահանջներ է դնում տեղերում 50-60 տոկոս ձայն ապահովելու համար, Սարգսյանը նշեց, որ դրանք եւս անտեղի խոսակցություններ են: «Ես պետական՝ իշխանական լծակների հետ ոչ մի կապ չունեմ: Կրկնում եմ՝ ես մարզային կառույցի ղեկավարն եմ: Ես ուղղակի գործ ունեմ իմ կուսակցականների հետ: Ես ուսումնասիրում եմ՝ թե ինչ վիճակում է գտնվում մարզային կառույցը: Ես ոչ մեկի կատարած աշխատանքի վրա չեմ ուզում ստվեր գցել, բայց բոլոր դեպքերում պետք է նշեմ, որ կառույցի վիճակը նույնը չէ, ինչ վիճակ որ եղել է իմ ղեկավարության օրոք: Եւ հիմա ես պիտի կարողանամ այս կարճ ժամանակահատվածում վերականգնել այդ բացթողումները»: 

Իսկ թե ո՞րն է գլխավոր պատճառը, որ մարզում շարունակում է թեւածել ինտրիգը, եւ թե արդյո՞ք շատացել են այս օրերին Ալիկ Սարգսյանին նախաձողները, ապա ՀՀԿ մարզային կառույցի ղեկավարը այդպիսիններին հակադարձեց՝ հիշելով Ջիվանու հայտնի խոսքերը.«Իմ խեղճ բլուրը քո մեծ սարին վնաս չէ: Զաբաղվի՛ր քո կյանքով: Այս պահին քաղաքական խանդի կարիք չկա»:

Այլ մանրամասներ՝ Fnews.am-ի տեսանյութում: