Հայտնի Սոսոն մերժում է Վարդգեսներին, «Վրիժառու» ֆիլմի հայտնի Սոսոներին, եւ խորհուրդ է տալիս ապրել ճիշտ ձեւով ու ճիշտ կյանքով.VIDEO

Docando կարատեի աշխարհի ու Եվրոպայի չեմպիոն. «Ներկայումս Docando կարատեի ֆեդերացիայի աշխատակազմի ղեկավար, «Վրիժառու» ֆիլմից հայտնի Սոսը՝ նույն ինքը Սոս Կարապետյանը, ով այս վերջին տարիներին Գեռ Վարդանյանի ֆիլմերում բավականին ռիսկային ու բացասական կերպարներ է կերտել, իրական կյանքում բոլորվին այլ տեսակ է: Մարդ, ով չի հանդուրժում իր կերտած դերերից՝ Սոսոներին, Վարդգեսների ու բոլոր նմանատիպ այդ կերպերին, ովքեր այսպես ասած չարիք են՝ հասարակության գլխին:

Fnews.am-ի «Իրականում» խորագրի շրջանակներում, փորձեց բացահայտել իրական Սոս Կարապետյանին, ում համար այսօր գերխնդիրը՝ մատաղ սերնդի ճիշտ դաստիարակությունն ու նրանց ապագա ճակատագիրն է, քանի որ ամենափոքր սխալն ու բացթողումն անգամ կարող է շատ դաժան հետեւանքներ ունենալ:
Ո ՞վ է Սոս Կարապետյանը՝հանրության շրջանում առավել հայտնի Սոսոն:
Մարզիկ, աշխարհի և եվրոպայի չեմպիոն, հիմա նաև մարզիչ Դուքենդո կարատեի ֆեդերացիայում, վարպետական աստիճանը՝ սև գոտի 3 դան, ու նաեւ դերասան:
-ճիշտ է դերասանական կրթություն չունի, բայց շատերն են փաստում, որ նա օժտված է լուրջ դերասանական տաղանդով:
Ճշտող հարցին, թե հե՞շտ էր «Վրիժառու» ֆիլմում կերտել Սոսոյի կերպարը, ով ցինիկ էր, լկտի ու այլասերված, դերասանը նշեց, որ.« Իսկզբանե այդ կերպարում ես չպետք է խաղայի, մենք «Վրիժառու» ֆիլմի քաստինգի ժամանակ հրավիրել էինք թատերական կրթություն ունեցող 60-ից ավելի մարդկանց, պետք է հիասթափեցնեմ, ասելով, որ թե՛ ավարտած, թե՛ ուսանող դերասաններից և ոչ մեկը չկարողացավ մտնել կերպարի մեջ, և արդյունքում Գոռ Վարդանյանն ինձ վստահեց այդ դերը:
Դիտարկմանը, թե կա՞ր գեթ մի նմանություն. Սոսոյի ու իրական Սոս Կարապետյանի միջեւ, ապա պատասխանը միանշանակ էր. «Ոչ, ես այդ կերպարի հետ ընդհանրապես կապ չունեմ:

Լավ դերասանը նա է, ով կարողանում է մտնել ցանկացած կերպարի մեջ, որը կապ չունի իր էության հետ:

Ինքս իմ կրթությամբ, թե մարդկային հատկանիշներով մանկավարժ եմ, և ինձ վստահված է կրթել և դաստիարակել բազմաթիվ երեխաների, որի համար շնորհակալ եմ ծնողներին՝ այդ պատասխանատվությունն ինձ վստահելու համար:
Դերը մնում է դեր, և դա իրականության հետ կապ չունի, պետք չէ ֆիլմի կերպարներով ապրել, ֆիլմը ֆիլմ է դիտելու և ինչ-որ բան սովորելու համար: Կավելացնեմ նաև, որ յուրաքանչյուր մարդու հետ վատ բան լինում է այն ժամանակ, երբ նա ունենում է ինֆորմացիայի պակաս:

Ուշագրավ այլ մանրամասներ՝Fnews.am-ի տեսանյութում: