Ինչով է պայմանավորված նախկին «տամոժնիկ» Հովիկ Աբովյանի ու Արծվաշենի անտառտնտեսության պետ Ավետիք Ադամյանի «ախպերությունը», եւ ինչ հարցեր ունի Ադամյանը՝ նախկին վարչապետ Աբրահամյանի հետ

ԱՍԵԿՈՍԵ

Շրջանառվող լուրերի համաձայն, այս օրերին Տավուշի մարզպետ Հովիկ Աբովյանի գործերը բավականին խառն են: Նույն լուրերի համաձայն, մարզում անհնազանդության ալիքը դեռ չի հանդարտվել՝ նախ Տավուշի մարզի անմխիթար ու խայտառակ ճանապարհների հայտնի պատմության հետ կապված, երկրորդ՝ Տավուշի մարզպետ Հովիկ Աբովյանը ներքին տարաձայնությունների ու հախ ու հաշիվների դաշտ է մտել Տավուշի մարզի անտառտնտեսության պետերի հետ՝ բացառությամբ «Արծվաբերդի անտառտնտեսութան» պետ Ավետիք Ադամյանի, ով մարզպետի «քիփերից» է համարվում, եւ շատ հաճախակի է հաց կիսում մեծարգո Հովիկի հետ: 
Հավանաբար մարզպետի մոտ «դոստուպ» ունենալու հանգամանքով է պայմանավորված նաեւ այն, որ Ավետիք Ադամյանը՝ «Արծվաբերդի անտառտնտեսություն»-ը համարում է իր սեփական տարածքը, ուր հաճախակի է նախընտրում մաքրություն կազմակերպել:
(Ի դեպ, մեզ հասած տեղեկությունների համաձայն, մի քանի օր է, ինչ պատկան կառույցներից մեկի կողմից ստուգումներ են անցկացվում Բերդի անտառտնտեսությունում ):
Եւ մինչ մենք կփորձենք առավել մանրամասն պարզել, եւ ներկայացնել Արծվաբերդի, եւ ոչ միայն եւ Արծվաբերդի անտառնտեսության բուռն գործունեության հետեւանքները, նշենք, որ նույն անտառտնեսության պետ Ավետիք Ադամյանը, բացի անտառները զույգ աչքով հսկելու գործից, լծված է օր առաջ իր հարցերը պարզաբանել Հ Հ նախկին վարչապետ Հովիկ Աբրահամյանի, եւ բարձրաստիճան տավուշցիներից մեկի հետ: Ում միջոցով ժամանակին լուրջ նախապատրաստական աշխատանքներ էին կազամակերպվել՝ Ավետիք Ադամյանի որդուն՝ Կարեն Ադամյանին, Արգամիչի «քավորությամբ» մարզպետ դարձնել:
Եւ քանի որ Արգամիչը՝ հանուն Ավետիք Ադամյանի որդու սիրուն աչքերի, այդպես էլ չէր հաջոաղացրել Ադամյանի որդուն մարզպետ դարձնել, հետեւապես հարցը կիսով չափ կոմպրոմիսների դաշտ էր տեղափոխվել՝ Կարեն Ադամյանին Տավուշի փոխմարզպետ նշանակելով:
Սակայն այդ լուծումը, ասում են, որ կիսով չափ էր, ու ինչ-որ տեղ էլ ժամանակավոր, քանի որ Ավետիք Ադամյան-Հովիկ Աբրահամյան զույգի մեջ դեռեւս չպարզաբանված հարցեր կան, որի մասին առավել մանրամասն կխոսենք հաջորդիվ: 
Նշենք, որ (պտտվող լուրերի ) Տավուշի մարզպետ Հովիկ Աբովյանի ու Արշվաբերդի անտառնտեսության պետ Ավետիք Ադամյանի հետ բավականին ջերմագին հարաբերություններ ունի նաեւ Տավուշի ոստիկանության բաժնի պետ Գարիկ Դալլաքյանը, ում մասին Տավուշում շատերն են ակնարկում, որ (ի տարբերություն շատ-շատերի), նախ եւ առաջ շրջապատում տղա է, հետո նոր՝ ոստիկանապետ: