«Եվրոպական պառլամենտարիզմի փորձը, ձեռքբերումներն ու նվաճումներն օդուջրի պես պետք են մեզ».Արմեն Ռուստամյան.VIDEO

«Մենք ունենք անվտանգության երկու հիմնական բաղադրիչ՝ երկկողմ հարաբերություններ Ռուսաստանի և ՀԱՊԿ-ի հետ»,- այսօր  խորհրդարանում լրագրողների հետ զրույցում ասաց  ՀՅԴ խմբակցության պատգամավոր Արմեն Ռուստամյանը:

Ըստ նրա ԵԱՏՄ անդամակցության ժամանակահատվածում երկիրը կարողացել է բազմաթիվ մարտահրավերներ հաղթահարել, հետևաբար անդամակցության որոշման կայացումն ամենաճիշտն էր այդ պահին:

Խոսելով  ԵՄ-Հայաստան նոր համաձայնագրի մասին՝ ՀՅԴ-ական պատգամավորն ասաց, որ փաստաթուղթը մեզ շատ բան է տալու: Խոսքը, մասնավորապես, այն արժեհամակարգի տեղայնացման մասին է, որն անհրաժեշտ է կառավարման նոր կարգի անցնող երկրին:
«Եվրոպական պառլամենտարիզմի փորձը, ձեռքբերումներն ու նվաճումներն օդուջրի պես պետք են մեզ»,- նշեց Ռուստամյանը:

Ինչ վերաբերում է ՀՀ վարչապետ Կարեն Կարապետյանի գործունեության մեկ տարուն` Արմեն Ռուստամյանը համոզմունք հայտնեց, որ Կարեն Կարապետյանի գալով՝ կառավարման համակարգում նոր շունչ մտավ:

«Ուղղությունը, որ կառավարությունը վերցրել է, գրեթե 90 տոկոսով համապատասխանում է ՀՅԴ-ի պատկերացումներին: Մեզ համար կարևորն այն գաղափարներն ու ծրագրերն են, որոնք պետք է շարունակություն ունենան: Թե ով կլինի իրականացնողը, իհարկե կարևոր է, սակայն դա ամենագլխավորըչէ: Նա պետք է կարողանա հոգով-սրտով կատարել գործը»,- նշեց պատգամավորը:

Մանրամասները՝Տեսանյութում: