Նախարար Մինասյանը հավաստիացրեց, որ բոլոր անտառտնտեսություններում լուրջ ստուգումներ են անցկացնելու.Արծվաբերդում նույնպես.VIDEO

Բոլորովին վերջերս, Համացանցում լուսանկարներ և տեղեկություն էր տարածվել այն մասին, որ Տավուշի մարզի անտառներում լայն թափով ծառահատումներ են իրականացվում:
Ահազանգը հնչեցնողները նաև նշել էին, որ Արծվաբերդի անտառտնտեսության պետ Ավետիք Ադամյանը, ով Տավուշի փոխմարզպետ Կարեն Ադամյանի հայրն է, իր սուպեր վերադաս՝Տավուշի մարզպետ Հովիկ Աբովյանի հետ միասին, կարծես թե քար անտարբերություն են ցուցաբերում անտառը մաքրելու գործընթացի նկատմամբ, այնինչ վերը նշված սույն պարոնները նախ եւ առաջ ի պաշտոնե պետք է հարց բարձրացնեին,(առաջնահերթ վերացնելով խնդիրն ու դրա պատճառները) եւ երկրորդ՝ իրենց ղեկավարներով հանդերձ գիտակցեին, որ անտառը մաքրազարդելու փոխարեն, այն պետք է աչքի լույսի պես պահել՝ գիտակցելով, որ ի վերջո ապրեցնողը՝ բնությունն է, այն հողը, տարածքը, ուր Տավուշեցին կենաց ու մահու կռիվ տալով՝ ապրում է եւ արարում է…»:

«Ինչո՞ւ է կտրվում այն ճյուղը, որի վրա նստում են…

Թե ո՞վ ինչ կարող է հանել ու ստանալ՝ անտառի հերն անիծելով ու անտառը վարելով, այդ մասին իհարկե նախ եւ առաջ պետք է հետեւթյուններ անեն պատկան կառույցները քանի որ պետք է գիտակցեն, որ մախատը պարկի մեջ թաքցնելը անհնարին գործ է…
Ի դեպ մամուլում տեղ գտած հրապարակումների առիթով մենք փորձել էինք լսել նաեւ նախկին տամոժինիկ (չնայած դրա նախկինը չի լինում), Տավուշի մարզում իր քմահաճույքներով աշխատող չինովնիկ Հովիկ Աբովյանի մեկնաբանությունը. ով զարմանքով ու զայրույթով պոռթկացել էր, թե."Էդ ի՞նչ ա, նոր իմացա՞ք, որ անտառը կտրում են":
Վերը նշված խնդրի առնչությամբ, փորձեցինք ստանալ նաեւ ՀՀ Բնապահպանության նախարար Արծվիկ Մինասյանի մեկնաբանությունը, ով մեզ հետ զրույցում հավաստիացրեց, որ նախարարությունը այդ հարցը օդում չի թողնելու, եւ որ պարտադիր ստուգումներ են անցկացվելու այն անտառտնտեսություններում, որի հետ կապված ահազանգեր են ստացել:

Այլ մանրամասներ՝Տեսանյութում:

Հ.ԳՀաջորդիվ կներկայացնենք նաեւ Գյուղատնտեսության նախարարության պատասխանը՝ վերոնշյալ խնդրի առնչությամբ: