Ցավոք, այսօր հիմնականում ի սրտե ուրախանալու և զվարճանալու են պարսիկները, հնդիկները և այլ տուրիստներ

Այսօր «Էրեբունի-Երևան 2799» ենք նշում. Ի՞նչ խոսք տրամադրությունը տոնական է, տոնական է ....բայց արտաքուստ...
Համոզված եմ, որ լրագրողը պետք է նկատի ոչ միայն վատը, այլ նաև լավը, չէ՞ որ հենց դա է ստիմուլ հաղորդում: Շարժվելով այդ սկզբունքով չեմ կարող չնկատել, որ Երևանի քաղաքապետը իսկապես աշխատասեր և իր քաղաքը սիրող անձնավորություն է, և հենց դա է հենքը, որ տեսնում ենք թե ինչպես է մեր քաղաքը փոխվում: Սակայն այստեղ կա մի մեծ ՛՛բայց՛՛. Ինչպե՞ս է փոխվում՝ արտաքնապե՞ս: Ցավոք, այո միայն՝ արտաքնապես, ավելին՝ փոխվում է միայն Երևան ժամանողների համար: 
Իսկ ի՞նչ վիճակում են գտնվում Երևանի բնակիչները: Հարգելի ընթերցող, թույլ տվեք պատասխանեմ այդ հարցին, թեկուզ արտահայտելով իմ սուբյեկտիվ կարծիքը:
Եվ այսպես
• Երևանի բնակիչների գերակշիռ մասը կիսասոված են քնում 
• Երևանի բնակիչների գերակշիռ մասը ամեն օր կորցնում է իր աշխատանքը, քանզի երկրի համակարգը այնպիսին է, որ ՓՄՁ-երը բացվելու փոխարեն փակվում են, արդյունքում հազարավոր քաղաքացիներ մնում են առանց աշխատանքի:
• Երևանի բնակիչների գերակշիռ մասը աստիճանաբար վերածվում է ծառաների՝ Երևան ժամանող տուրիստների համար 
• Երևանի բնակիչների գերակշիռ մասը մտածում է իր սիրելի քաղաքից արտագաղթելու մասին: 
• Երևանի բնակիչների գերակշիռ մասը գոյատևում է բանկերից վերցված տոկոսների հաշվին և այդ իսկ պատճառով նրանցից շատերը աստիճանաբար զրկվում են իրենց վերջին ունեցածից ՝ բնակարաններից: 
Ցավոք սրտի, այս նկատառումները չեն սահմանափակվում այսքանով: 
Հ.Գ. Իհարկե, ես հասկանում եմ, որ քաղաքապետին նշված կետերի համար մեղադրելը սխալ է, քանզի այս ամենը վերացնելու համար հանրապետական մասշտաբի մոտեցում է պետք ցուցաբերել:
Հ.Գ.2 Ցավոք, այսօր հիմնականում ի սրտե ուրախանալու և զվարճանալու են պարսիկները, հնդիկները և այլ տուրիստներ

Կարեն Թումանյան