Ճակատագրի հեգնանք. ծննդկանի մահվանից հետո ուղիղ մեկ տարի անց՝ նույն օրը, ողբերգական ավտովթարի հետևանքով մահացավ բժիշկը

Այսօր՝ Գեղարքունիքի մարզում ողբերգական ավտովթարի հետևանքով մահացել է Վանաձոր քաղաքի բնակիչ, բժիշկ, 37-ամյա Արսեն Բալայանը:

Ճակատագրի հեգնանքով նույն այս օրը՝ մեկ տարի առաջ, «Վանաձոր» ԲԿ-ում մահացել էր 32-ամյա մի ծննդկան:

Ողբերգական վթարի հետևանքով մահացած բժիշկ Արսեն Բալայանը աշխատում էր «Վանաձոր» պոլիկլինիկայում և երիտասարդ կնոջ մահվան մեջ հարազատները մեղադրում էին հենց Արսեն Բալայանին, ով ընդունել էր ծնունդը։

Դեռևս այն ժամանակ Քննչական կոմիտեն հաղորդագրություն տարածեց համաձայն, որի՝ Գուգարք գյուղի բնակչուհի Հ.Նազլուխանյանի մահվան դեպքի առթիվ կատարված քննությամբ պարզվել է, որ վերջինս առաջնածին ախտորոշմամբ 2016 թվականի սեպտեմբերի 26-ին ընդունվել է «Վանաձոր բժշկական կենտրոնի» մանկաբարձագինեկոլոգիական բաժանմունք։

Դատաբժշկական հանձնաժողովային փորձաքննությունը կպարզի ծննդկանի մահվան մեջ բժշկի սխալի առկայությունը

Գտնվելով բժիշկների հսկողության ներքո 21 օր անց` 2016 թվականի հոկտեմբերի 17-ին` ժամը 18:40-ին, կինը ծննդաբերել է արական սեռի երեխա, որից հետո նրա ինքնազգացողությունը վատացել է։ Իսկ հոկտեմբերի 18-ին՝ ժամը 01:40-ին, կինը նույն բաժանմունքում մահացել է:

Դեպքի առթիվ հարուցվել էր քրեական գործ՝ ՀՀ քրեական օրենսգրքի 130-րդ հոդվածի 2-րդ մասով և նշանակվել էր դատաբժշկական փորձաքննության:

Իսկ ողբերգական վթարը տեղի է ունեցել այսօր՝ գիշերը ժամը 01.20-ի սահմաններում, ավտոմեքենան ճանապարհի երթևեկելի հատվածից դուրս է եկել և բախվել է բետոն արգելապատնեշին, որից հետո էլ գլխիվայր պտտվել է:

Բժշկին, ով եղել է ավտոմեքենայի ղեկին ծայրահեղ ծանր վիճակում հիվանդանոց են տեղափոխել, սակայն այդպես էլ գիտակցության չգալով նա մահացել:

Ավելի վաղ տեղեկացրել ենք, որ ծննդկանի մահվան պատճառ էր նշվել հեմոռագիկ շոկը։

«Հ.Նազլուխանյանի մահվան անմիջական պատճառն է հեմոռագիկ շոկը, որը պայմանավորված է հետծննդաբերության վիճակից հետո, վաղ հետծննդյան շրջանի, հեշտոցի ձախ կողմնային պատի անցումով արգանդի պարանոցին ծննդաբերական պատռվածքի, հեշտոցի աջ կողմնային պատի արյունահավաքի, մասնակի կարված հեշտոցի ձախ կողմնային պատի պատռվածքի, հետորովայնամզային տարածության և փոքր կոնքի փափուկ հյուսվածքների՝ արյունով ներծծման, արտաքին սուր արյունահոսության, ներքին օրգանների և անոթների սուր արյունապակասության հետ»,- նշված է թիվ 0922 փորձագիտական եզարակության մեջ:

Աղբյուր` Փաստինֆո