«Եթե ինչ-որ ազդակներ կան՝ ուղղված իրավապահներին, թող նրանք զբաղվեն դրանով».Վովա Վարդանովը՝ Ռուզաննա Խաչատրյանի սկանդալային գրառման մասին

«Երբ կինն իրեն պահում է ոչ թե ազատական կնոջ պես, այլ  ռազբորկա է անում, դրա ինչի՞ն խառնվես»

Վերջին շրջանում Սեյրան Օհանյանի տիկնոջ՝ Ռուզաննա Խաչատչյանի ֆեյսբուքյան գրառումները հայտնվեցին լրատվամիջոցների թոփ-նյուզերում։ Իսկ բոլորովին վերջերս ասեկոսե տարածվեց այն մասին, որ տիկին Ռոզաննան պատրաստվում է նոր կուսակցություն հիմնադրել։
Իսկ ինչ վերաբերում է նրա ֆեյսբուքյան գրառումներին, նա դեռևս փակագծերը չի բացել ու չի ասել՝ ում են ուղղված իր ֆեյսբուքյան գրառումները։

Անդրադառնալով Ռուզաննա Խաչատրյանի գրառումներին՝ Առաջին հետախուզադիվերսիոն ջոկատի հրամանատար, հետախույզ Վովա Վարդանովը Fnews.am-ի հետ զրույցում նշեց․
«Իր հայտարարություններին ծանոթ եմ։ Կոռեկտ է, կոռեկտ չէ․․․ չեմ ուզենա կնոջ հայտարարություններին արձագանքել։ Որպես ի՞նչ քննարկեմ իր ասածները։ Մենք խոսում ենք կնոջ ազատությունների մասին, բայց երբ կինն իրեն պահում է ոչ թե ազատական կնոջ պես, այլ ռազբորկա անողի պես, էլ  ինչի՞ն խառնվես։ Շատ-շատ կարող ես բղավել, ասել՝ սո՛ւս մնացեք։
Բայց, այստեղ մի խնդիր կա։ Եթե ինչ-որ ազդակներ կան՝ ուղղված իրավապահներին, թող նրանք զբաղվեն դրանով։ Եթե իրեք, նման բան կա, ինչ-որ հայտնի պաշտոնյա զարտուղի ճանապարհներով խուսափել է զինվորական ծառայությունից, այդ հարցը թող քննեն․ թող իրեն կանչեն, պարզեն ամեն բան, կամ դա կեղծ մատնություն թող համարվի, եթե ասվածն իրականությանը չի համապատասխանում։ Իսկ, եթե իր մատնությունը իրականությանը համապատասխանում է, թող այդ գործը քննեն, ում պետք է՝ պատժեն, էլ գումարային պրեմիա տան, որ ահազանգել է հանցագործության վերաբերյալ»,-նշեց Վովա Վարդանովը։