Եթե «Ծառուկյան դաշիքնը» միանա ՀՀԿ-ին՝ կոալիցիա կազմի, դրանով կխախտվի Սահմանադրության այն դրույթը, որի համաձայն՝ ԱԺ-ի 33 տոկոսը պետք է ընդդիմադիրներ լինեն

Քաղաքագետ Գագիկ Համբարյանը վստահ է ՝ քաղաքականության մեջ ոչինչ բացառել պետք չէ, առավել ևս, երբ խոսքը հայաստանյան քաղաքական դաշտին է վերաբերում։ 

«Խոսելով 2018-ի քաղաքական դաշտի դասավորությունների մասին, պետք է ասեմ՝ եթե «Ծառուկյան դաշիքնը» միանա ՀՀԿ-ին՝ կոալիցիա կազմի, դրանով կխախտվի Սահմանադրության այն դրույթը, որի համաձայն՝ ԱԺ-ի 33 տոկոսը պետք է ընդդիմադիրներ լինեն։ Այս պարագայում, ես չգիտեմ՝ ինչ կարող է լինել, եթե հանկարծ «Ծառուկյան» դաշինքը ՀՀԿ-ի հետ կոալիցիա կազմի։ Այնպես որ, դժվար է ասել՝ ինչ կլինի այդ հարցի հետ կապված», -Fnews.am-ի հետ զրույցում նշեց քաղաքագետը։

Խոսելով 2018-ին վարչապետի պաշտոնը ստանձնող հավանական թեկնածուների մասին՝ քաղաքագետը շեշտեց․ «Այս պահին ես իմ կանխատեսումն ունեմ։ Իհարկե, վաղը, մյուս օրը կարող են ֆորսմաժորային իրավիճակներ լինել, շրջադարձային փոփոխություններ կարող են լինել, եւ դա բնական է... Իսկ, ընդհանուր առմամբ, իմ կանխատեսմամբ՝ հավանական է, որ վարչապետը կլինի Սերժ Սարգսյանը, ով մի քանի ամիս առաջ  Սաթիկ Սեյրանյանի հետ ունեցած հեռուստահարցազրույցի ժամանակ չբացառեց, որ 2018-ին կդառնա երկրի թիվ մեկ դեմքը՝ ի դեմս վարչապետի։ Իսկ, Կարեն Կարապետյանը, հավանական է, որ կդառնա առաջին փոխվարչապետ․ ՀՀԿ-ն կշարունակի ղեկավարել մեր երկիրը։ Իրավիճակն էլ կմնա այնպես, ինչպես կա։