Էրեբունու ոստիկաններն ու քննիչները տաք հետքերով բացահայտեցին Սարի Թաղում՝ նախկինում 6 անգամ դատված «Կուճիի» սպանության դեպքը. 27-ամյա կասկածյալը ձերբակալվել է

Երեկ՝ նոյեմբերի 30-ին, Ոստիկանության Երևան քաղաքի վարչության, Ոստիկանության Էրեբունու բաժնի և Հայաստանի քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի ծառայողների կողմից ձեռնարկված օպերատիվ-հետախուզական և քննչական համատեղ գործողությունների, այնուհետև բացատրական աշխատանքների շնորհիվ Ոստիկանության Էրեբունու բաժին է մեղայականով ներկայացել Սարի Թաղի բնակիչ՝ 27-ամյա Օնիկ Մկրտչյանը։

Ֆոտոլրագրողի տեղեկություններով՝ վերջինս կասկածվում է երեկ՝ նոյեմբերի 30-ին, Սարի Թաղի 18 փողոցի թիվ 69 տան բնակիչ՝ 64-ամյա Գագիկ Հովհաննիսյանին դանակի մի քանի հարվածով սպանելու մեջ։

Ֆոտոլրագրողի տեղեկություններով՝ նա ոստիկաններին ու քննիչներին ներկայացրել է նաև հանցագործության գործիք հանդիսացող դանակը։

Երեկ՝ կեսգիշերն անց, ոստիկանների և քննիչների հսկողությամբ կասկածյալը սպանության վայրում ընթերականների ներկայությամբ ներկայացնում էր դեպքի հանգամանքները՝ ինչպես և ինչ պայմաններում է տեղի ունեցել սպանությունը, որից հետո ինքը դիմել է փախուստի:

Հանցագործությունը բացահայտելու համար ստեղծվել էին օպերատիվ-հետախուզական և քննչական համատեղ խմբեր, որոնք ղեկավարել են Ոստիկանության կամակերպված հանցավորության դեմ պայքարի / 6-րդ/ գլխավոր վարչության պետի առաջին տեղակալ, Ոստիկանության գնդապետ Ալիկ Մարգարյանը, Երևանի Ոստիկանության պետ, Ոստիկանության գնդապետ Սարգիս Մարիտիրոսյանը, Էրեբունի Ոստիկանության պետ, Ոստիկանության գնդապետ Ռուբեն Ներսիսյանը և Հայաստանի քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչկան բաժի պետ, Արդարադատության գեներալ-մայոր Արթուր Գոյունյանը:

Քննիչի որոշմամբ կասկածյալ Օ. Մկրտչյանը ձերբակալվել է:

Ինչպես ավելի վաղ դեպքի վայրից հայտնել էր ֆոտոլրագրողը, նոյեմբերի 30-ին, սպանություն էր տեղի ունեցել Երևանում: Ժամը 12:30-ի սահմաններում Երևանի 1-03 շտապօգնության թիվ 01 հերթապահ խումբը Ոստիկանության Երևան քաղաքի վարչության օպերատիվ կառավարման կենտրոն ահազանգել էր, որ կանչով մեկնել են Սարի Թաղի 18 փողոցի թիվ 69 տուն, որտեղ խոհանոցի հատակին հայտնաբերվել էր տղամարդու դի: 

Օպերատիվորեն ժամանել էին Ոստիկանության Երևան քաղաքի վարչության օպերատիվ խումբը՝ վարչության պետի օպերգծով տեղակալ, Ոստիկանության գնդապետ Արտակ Պողոսյանի գլխավորությամբ:

Ժամանել էին նաև Ոստիկանության Էրեբունու բաժնի օպերատիվ խումբը՝ բաժնի պետ, Ոստիկանության գնդապետ Ռուբեն Ներսիսյանի գլխավորությամբ: 

Դեպքի վայր էր ժամանել նաև Ոստիկանության կազմակերպված հանցավորության դեմ պայքարի /6-րդ/ գլխավոր վարչության պետի առաջին տեղակալ, Ոստիկանության գնդապետ Ալիկ Մարգարյանը: 

Այս պահին դեպքի վայրում տեղազննություն էին կատարում նաև Հայաստանի քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի քննիչները՝ բաժնի պետ, Արդարադատության գեներալ-մայոր Արթուր Գոյունյանի գլխավորությամբ, ում կողմից ստեղծվել էր քննչական խումբ և դեպքի վայրում աշխատում էին նաև նույն բաժնի մեծ թվով քննիչներ: 

Ոստիկաններն ու քննիչները պարզել էին, որ տեղի ունեցածը սպանություն է և սպանվածը 64-ամյա նշված տան բնակիչ Գագիկ Հովհաննիսյանն էր: 

Դատաբժշկի նախնական եզրակացության համաձայն, մարմնի վրա կային սուր կտրած-ծակած առարկայից ստացած հարվածի մի քանի հետքեր:

Փաստի առթիվ քննչական բաժնում հարուցվել է քրեական գործ՝ ՀՀ քր օր-ի 104 հոդվածի 1-ին մասի հատկանիշներով: 

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: 

shamshyan.com