Հուսահատ բազմազավակ մայրը դիմում է Գագիկ Ծառուկյանին,ՀՀ վարչապետին, Կարեն Կարապետյանին ու բոլոր բարեգութ մարդկանց՝ խավարի մեջ գոնե մեկ մոմ վառելու.PHOTO, VIDEO

Մայրաքաղաք Երևանի Շենգավիթ համայնքի Արցախի փոցողի 4-րդ նրբանցքի 71-րդ բնակարանում ապրող Նինա Մխիթարյանն օրերս դիմել էր Fnews.am-ի խմբագրություն․ներկայացնելու, թե ինչ ծանր պայմաններում են հայտնվել այն հինգ փոքրիկ երեխաները, որոնց նա լույս աշխարհ է բերել, ու ցավոք չի կարողանում անգամ երեխաների հանապազօրյա հացի խնդիրը լուծել:

Նինա Մխիթարյանը,  ապրում է մեկ սենյականոց բնակարանում՝ ամուսնու և 5 երեխաների հետ։

Մեր թղթակիցը եղել է նրանց տանը և զրուցել Նինա Մխիթարյանի հետ.

«14 քառակուսու մեջ ապրում ենք 7 հոգով՝ ես, ամուսինս և հինգ երխաները։ Պայմանները շատ վատ են․ խոհանոց, սանհանգույց չկա․ չգիտենք՝ ինչ անել։ Միայն 53 հազար դրամ «Փարոսի» նպաստ ենք ստանում։ Այդ գումարը ստացել եմ,  ու քանի որ խանութին պարտք էի, տվել եմ այդ պարտքը։ Հացը նիսյա էինք առել, հիմա էլ  ոչ մի բան չունենք։ Շուտով Ամանորը կգա, բայց ես չգիտեմ՝ ինչ եմ ասելու երեխաներին, նրանք էլ են ուզում մասնակցել մի բանի, ուրախանալ»,- արցունքները զսպելով պատմեց Նինա Մխիթարյանը։

Երբ ներս մտանք, երեխանրից մեկը շատ թույլ էր, հիվանդ։ Նա ջերմում էր ու հազում։ Մայրն ասաց՝ տանը նույնիսկ դեղ չկա՝ երեխային տալու համար, ոչ էլ գումար դա՝ դեղ գնելու համար։

Մյուս երեխաները ևս հազում էին։ Նկատելի էր, որ հագուստի խնդիր էլ կա։ Սենյակը խոնավ էր, առաստաղը կիսափուլ․․․ Շենքը վթարարային էր, իսկ պատերը՝ ճաքած։

«Սենյակը շատ խոնավ է, երեխաները հիվանդանում են։ Գազը այս սենյակում եմ վառում, ճաշն այստեղ եմ եփում, խոհանոց չկա։
Երեխաները միշտ չէ, որ դպրոց են գնում։ Տրանսպորտի հետ կապված՝ խնդիր կա։ Գումար չի լինում, որ դպրոց տանեմ։ 
Սննդի հետ կապված էլ խնդիր կա․ այս պահին տանը ոչինչ չկա։ Ամուսինս էլ աշխատանք չունի․ մեկ-մեկ բանվորության գործ է լինում՝ 2-3 հազար դրամ փողով, դա էլ քիչ է, չի հերիքում», - պատմեց Նինա Մխիթարյանը։

Վեջինս շեշտեց՝ դիմել է քաղաքապետարան, թաղապետարան, բայց ապարդյուն։

«Տարածքում մանկապարտեզ էլ չկա։ Շատ կուզենայի, որ երեխաները մանկապարտեզ և դպրոց գնային։ Երեխաները նույնիսկ կոշիկ չունեն դպրոց գնալու համար։ Հույսս բարերարն են ու բարի մարդիկ։ Դիմում եմ վարչապետ Կարեն Կարապետյանին, Գագիկ Ծառուկյանին, պատգամավոր Կարեն Կարապետյանին  ու բարի մարդկանց։ Հույսս նրանք են»,-ասաց Նինա Մխիթարյանը և այլևս չկարողացավ շարունակել խոսել ընտանիքի խնդիրների, անլուծելի թվացող հարցերի մասին․ զրույցն ավարտվեց 5 երեխաների մոր արցունքներով ու հուսահատ հեկեկանքով։

ՀԳ- Բոլոր նրանք, ովքեր ուզում են օգնել այս ընտանիքին, կարող են դիմել Նինա Մխիթարյանին, հասցե՝ ք․ Երևան, Արցախի 4-րդ նրբանցք, բնակարան 71, հեռ․՝ 093 76 74 18։

Հանդիպման վերջում, հուսահատ Նինան չմոռացավ նշել, որ լրատվամիջոցներով պատրաստ է իր  Շնորհակալությունը  հայտնելու բոլոր այն բարեգութ մարդկանց, ովքեր կցանկանան, որ խավարի մեջ՝ Ամանորի գիշերը մոմի մի լույս էլ իր տան մեջ վառվի...

Հ. Աբրահամյան