«Դիմում եմ Գագիկ Ծառուկանին, Սամվել Ալեքսանյանին, Միհրան Պողոսյանին, Սամվել Կարապետյանին և վարչապետին»․ Երեխաները դպրոց չեն գնալու․ ճանապարհածախս, հագուստ ու կոշիկ չունեն

2017 թվականի դեկտեմբերի 25-ին Fnews.am-ը «Հուսահատ բազմազավակ մայրը դիմում է Գագիկ Ծառուկյանին,ՀՀ վարչապետին, Կարեն Կարապետյանին ու բոլոր բարեգութ մարդկանց՝ խավարի մեջ գոնե մեկ մոմ վառելու» վերտառությամբ հրապարակմամբ անդրադարձել էր սոցիալական ծանր վիճակում գտնվող Մխիթարյանների ընտանիքին։

Հիշեցնենք՝ մայրաքաղաք Երևանի Շենգավիթ համայնքի Արցախի փոցողի 4-րդ նրբանցքի 71-րդ բնակարանում ապրող բազմազավակ ընտանիքն ապրում է սարսափելի պայմաններում, ավելին՝ երեխաների մոր՝ տիկին Նինայի խոսքով՝ չեն կարողանում անգամ երեխաների հանապազօրյա հացի խնդիրը լուծել․ ընտանիքի հայրը գործազուրկ է, եթե գոնե աշխատանք լիներ, կաշխատեր․․․

Մեր թղթակիցը եղել էր նրանց տանը և տեսանկարահանել փոքրիկ, նեղ սենյակը, խոնավ ու կիսափուլ պատերը։ Այդ ժամանակ երեխաները հիվանդ էին, անընդհատ հազում էին․․․․ Մեր հրապարակումից ընդամենը մի քանի օր անց ընտանիքին օգնության ձեռք էր  մեկնել շարքային մի քաղաքացի՝ դրամանական օգնության տեսքով։

Այսօր տիկին Նինան դարձյալ դիմել էր Fnews.am-ի խմբագրություն։ Զրույցը տիկին Նինան սկսեց շնորհակալալան խոսքերով։
«Փառք Աստծո, այս մարդը դեկտեմբերի 29-ին եկավ մեր տուն, մեզ օգնության ձեռք մեկնեց։ Ամանորին համեստ, փոքրիկ սեղան գցեցի։ Մեզ օգնող մարդու անունն Արմեն էր, Էրեբունի համայնքում,  ավտոմասերի խանութներից մեկում էր նա աշխատում։
Շատ շնորհակալ եմ նրան», - ասաց տիկին Նինան։

Մեզ հետ զրույցում բազմազավակ ընտանիքի մայրը հուզմունքը մի կերպ զսպելով պատմեց՝ երեք աղջիկները՝ Անահիտը, Ծովինարն ու Սիրանույշը այլևս դպրոց չեն գնալու․ ո՛չ ճանապարհածախս կա, ո՛չ էլ հագուստ ու կոշիկ։

«Անահիտը 1-ին դասարանում է սովորում, Ծովինարը՝ 4-րդ, Սիրանույշը՝ 5-րդ։ Այսօր դպրոց գնացի ու փաստաթղթերը վերցրի․․․ էլ դպրոց չեն գնալու․ հնարավորություն չկա։
Գոնե մի փոքրիկ տուն լիներ, որտեղ կկարողանայինք ապրել, որ այս խոնավ սենյակից պրծնեինք։ Ամուսինս թոքերի հետ կապված՝ խնդիրներ ունի, սուր ծակոցներ ունի, աշխատանք էլ չունի, ես էլ եմ վիրահատված՝ ոտքս տրոմբ ունի, 5 երեխաներն էլ խոնավությունից անընդհատ հիվանդանում են, փոքրիկս, որ մի տարեկան էլ չկա, հիմա շատ վատ վիճակում է։ Մեծ աղջիկս՝ Սիրանույշն էլ հոդախախտով է ծնվել, այս խոնավության պատճառով նրա մոտ էլ խնդիրներ կան։ Իմ հույսը բարերարներն են։ Գոնե մի սենյականոց տուն լիներ, այո՛, թեկուզ մի, բայց չոր լիներ, այսպես խոնավ չլիներ, որ երեխաներս հիվանդանային։ Ես գիտեմ, որ կան բարերարներ, ովքեր օգնության ձեռք են մեկնում նեղության մեջ հայտնվածին, խնդրում եմ, օգնե՛ք մեզ․ դիմում եմ բարերարներ Գագիկ Ծառուկանին, Սամվել Ալեքսանյանին, Միհրան Պողոսյանին, պատգամավոր Կարեն Կարապետյանին, վարչապետին ու բոլոր այն մարդկանց, ովքեր կարող են մեզ օգնության ձեռք մեկնել։ Իմ հույսը բարերարներն են, ու բարի կամքի տեր մարդիկ», - եզրափակեց բազմազավակ ընտանիքի մայրը։

Հ.Գ Բոլոր նրանք, ովքեր ուզում են օգնել այս ընտանիքին, կարող են դիմել Նինա Մխիթարյանին, հասցե՝ ք․ Երևան, Արցախի 4-րդ նրբանցք, բնակարան 71, հեռ․՝ 093 /041/ 76 74 18։