Լեդի Հակոբի եղբորորդու ազատության մեջ հայտնվելու լուրերը գնալով նոր երանգներ են ստանում, իսկ Հակոբյաներից եւ ոչ մի ձայն

Սեբաստիա փողոցը հոլիվուդյան մարտաֆիլմի ասպարեզի էր վերածվել՝շնորհիվ Լեդի Հակոբի եղբոր որդու

Այս օրերին, շարունակվում են լուրերն այն մասին, որ շատ շուտով ազատության մեջ կհայտնվի Մալաթիայի նախկին թաղապետի որդու՝ քսանվեց ամյա Սեդրակ Զատիկյան դաժան սպանությունը պատվիրելու համար դատապարտված Լեդի Հակոբի եղբորորդին՝ Ստեփան Հակոբյանը, ով տասնհինգ տարվա ազատազրկման է դատապարտվել։
Զարմանալի է, սակայն, որ Հակոբյանների կողմից վերոհիշյալ լուրի հետ կապված որեւէ արձագանք չկա, ավելին՝ վերջիններս, կարծես թե խուսափում են լրատվամիջոցների զանգերին պատասխանելուց։ Դե չնայած՝ ինչպես մեր աղբյուրն է նշում՝ ախր պիտի իմանան ինչ պատասխանեն, որ հանկարծ չվնասվի իրենց որդու՝ բերդից դուրս բերելու ծրագիրը։

Նկատենք, որ Սիմոն Հակոբյանի՝ ժողովրդի լեզվով ասած՝ «գլխին գալովի» է։ Նրա երկու որդիներն էլ` մեղմ ասած սկանդալների մեծ սիրահար են։ Ի դեպ դա մենք չենք ասում՝ այլ արդեն իսկ արձանագրված փաստերը։ Եվ, որպեսզի մերկապարանոց չհնչեն մեր խոսքերը, հիշեցնենք կրտսեր՝ Վարդան Հակոբյանի «գաստորլներից» մեկը, որը ի դեպ դժվար թե ջնջված լինի երեւանցիների հիշողությունից։ Այսպես. 2013թ-ի հուլիսի 27-ին Սեբաստիա փողոցը հոլիվուդյան մարտաֆիլմի ասպարեզի էր վերածվել: Ոստիկանության աշխատակիցներն գնացել էին Ոսկանյան փողոց՝ քրեական մի գործի շրջանակներում խուզարկություն իրականացնելու Վարդան (Վրթանես) Հակոբյանի տանը, ով նախկին պատգամավոր Հակոբ Հակոբյանի (Լեդի Հակոբ) եղբոր՝ վերը հիշատակված Սիմոն Հակոբյանի կրտսեր որդին էր:33-ամյա Վարդան Հակոբյանը, տեսնելով ոստիկաններին, փորձել էր փախուստի դիմել՝ իր մեքենան վարել էր ոստիկանների ուղղությամբ, վնասելով մի քանի մեքենաների: Ոստիկանության աշխատակիցներից մեկը նախազգուշական կրակոց էր արձակել օդ:

Իհարկե այս գործը՝ Հակոբյանների «թեթեւ» ձեռքով ջրվեց գնաց։ Երեւի նույն մեխանիզմը՝ ավելի կատարելագործված սխեմայով՝ փորձում են իրականացնել նաեւ սպանության պատվիրատու որդու դեպքում։ Տեսնենք…
Հիշեցենք, որ Սիմոն Հակոբյանից մեկնաբանություն ամեն դեպքում կփորձենք էլի ստանալ, եթե իհարկե պարոն Հակոբյանը ի վերջո բարեհաճի պատասխանել մեր զանգերին։

Նոնա  Ադամյան 

Շարունակելի...