Հայոց Բանակի կազմավորման 26 ամյակի կապակցությամբ ազատամարտիկ, «Ֆիդայիներ» ՀԿ նախագահ Սեյրան Չիլինգարյանի ուղերձը (VIDEO)

Նախ մեկ րոպե լռությամբ հարգենք բոլոր ժամանակներում հայոց հայոց պետականության համար նահատակվածների հիշատակը։
Այսօր հայոց անպարտելի և տարածաշրջանում ամենամարտունակ բանակի կազմավորման 26-ամյակի կապակցությամբ շնորհավորում եմ բոլորիս՝ ցանկանալով տոկուն կամք, հզոր էներգիա և առողջ բանականություն։
Կեցցե՛ հայ քաջարի զինվորը։
Կեցցե՛ հայ ռազմագետ ու բարեխիղճ սպան։
Կեցցե՛ այն պաշտոնյան, ով քնելուց առաջ 5 րոպե մտածում է հայ ազգի, բանակի և մեր պետականության համար։
Կեցցե՛ն մեր առյուծածին հայ մայրերը։
Կեցցե՛ն այն հայրերը, ովքեր վտանգի ժամին իրենց զինվոր տղայի կողքին են։
Փա՛ռք ներղության մեջ ապրող մեր այն ազատամարտիկներին, ովքեր պետությանը, հայրենիքին հասած վտանգի ժամին միաբանվում և սահման են մեկնում։ Փա՛ռք մեր եռագույնին, որը շուտով կծածանվի հինավուրց Գանձակի, Նախիջևանի, Ղարսի, Սասունի և Արարատ լեռան գագաթին։ Փա՛ռք դեռ տակավին երիտասարդ, գրագետ ու հզոր մեր բանակին, փա՛ռք մեր հերոս զինվորին, փա՛ռք մեր ԶՈՒ-ին և, իհարկե, ուժն է ծնում իրավունք։