«Իսկ ի՞նչ է եղել, մենք հո թշնամիներ չե՞նք».Ալիկ Սարգսյանը՝ Հովիկ Աբրահամյանի հետ ունեցած հարաբերությունների ու իր անվան շուրջ պտտվող լուրերի մասին

ԱՍԵԿՈՍԵ

Շրջանառվող լուրերի համաձայն՝ վերջին ժամանակներս նախկին վարչապետ Հովիկ Աբրահամյանի «ապահով ֆազենդաներից» մեկում երբեմն հանդիպում են նախկին ոստիկանապետ Ալիկ Սարգսյանն ու Հովիկ Աբրահամյանը։ Լուրեր են շրջանառվում այն մասին, որ նրանք հույժ կարևոր հարցեր են քննարկում։ Ասում են՝ Սերգեյիչը նույնիսկ իր «սիրտն է բացել» Աբրահամյանի մոտ, ասելով` ո՛չ Աժ-ից խեր կա, ո՛չ էլ նախկին պաշտոններից խեր կար...
Նույն լուրերի համաձայն խոսում են, որ Ալիկ Սարգսյանը անկեղխացել է, թե 2018 -ի վերադասավորումներից հետո էլ, ամենայն հավանականությամբ, իրեն պաշտոն չի հասնի։
Այս լուրերի իսկությունը ճշտելու համար,  Fnews.am-ը  Ալիկ Սարգսյանի հետ: Վերջինս նշեց՝ առաջին անգամ է լսում, որ նման լուրեր են շրջանառվում: «Ուղղակի ասեմ, որ ճշմարտությունն իմանաք. Հովիկ Աբրահամյանի հետ չեմ հանդիպել արդեն շատ վաղուց՝ երևի տարիներ: Բայց, նման խնդիր չկա, որ հանդիպելուց խոսում եմ կամ խոսելու թեմա կա, կամ էլ ձգտումեմ:
Ես իմ կյանքով եմ ապրում, նա էլ իր կյանքով: Ես չգիտեմ՝ ինչի մասին է խոսքը: Հանդիպելու կամ ինչ-ոչ խոսակցության առիթ չկա, խոսելու թեմա չունենք: Իսկ թե ո՞ւմ է դա ձեռք տալիս, ում կողմից է.... սա սադրանքի բնույթ է կրում: Ինչ են ուզում սրանով ասել, չգիտեմ: Թող այդ մարդիկ հանգստանան, զբաղվեն իրենց գործերով: Ի՞նչ են ուզում ասել դրանով: Ի՞նձ են ուզում օգուտ տալ, թե՞ Հովիկ Աբրահամյանին: Ի՞նձ են ուզում վնասել, թե՞ Հովիկ Աբրահամյանին:

Չգիտեմ՝ որն է այդ մարդկանց նպատակը, կամ մեր հարաբերությունները. ում է ցավեցնում, ես չեմ հասկանում: Եթե ես նույնիսկ իր հետ հանդիպեի, ով է մրմռում ու ցավում: Չգիտեմ՝ սա անհեթեթ խոսակցություն է: Հավատացեք՝ ես երբեք չեմ ստում: Եթե հանդիպած լինեի, շատ նորմալ, բարձր տրամադրությամբ կասեի՝ այո, հանդիպել ենք, զրուցել ենք: Իսկ ի՞նչ է եղել, մենք հո թշնամիներ չե՞նք», - ասաց Ալիկ Սարգսյանը:
Ո՞ւմ սա հետաքրքրում, ինձ համար մնում է հանելուկ: Չհիտեմ՝ ում շահերից է բխում մեր հանդիպելը կամ ում շահերից չի բխում: Չեմ հասկանում՝ ով է այդ մարդը, որ այդպես մտահոգված է իմ ու Հովիկ Աբրահամյանի ճակատագրով:
Նա, ով շահագրգտված է ինձ հետ կապված բանահյուսությամբ, թող իր գործով զբաղվի: Հանդիպում չի եղել: Եղած լիներ, հպարտությամբ կասեի՝ եղել է: Իրոք հանդիպում չի եղել»,-ասաց Ալիկ Սարգսյանը:

Հ. Աբրահամյան