Արգամիչի անվան հետ կապվող գազալցակայանում ռեկետը սառեցվել է, իսկ գազի գինը 175-ից դարձավ 200 դրամ

Նախօրեին, Fnews-am-ը գրել էր այն մասին, որ ՀՀ նախկին վարչապետ, Հովիկ Աբրահամյանի անվան հետ կապվող գազալիցքավորման կայանում, իսկ ավելի ստույգ՝ Արտաշատ-Մասիս մայրուղու սկզբնամասում գտնվող (հայտնի Նորագավիթի) գազալցակայանում, ՀՀ վարորդներին բառիս բուն իմաստով ռեկետ են անում:

Ավելի ստույգ.Արգամիչի անվան հետ կապվող գազալցակայանում, «զապրավչիկները» «չորով» «չայեվոյ» են պահանջում՝ 500-700 ական դրամ, ասելով որ իրենց մոտ դա պարտադիր պայման է: 
Այդ փաստին, ականատես էր եղել Fnews.am-ի թղթակիցը, ով տեղում փորձել էր պարզել, թե ինչո՞ւ են տվյալ գազալցակայանի աշխատակիցները ռեկետ անում վարորդներին: 

Ու բացի այն որ նախորդ հրապարակման շրջանակներում ներկայացրել էինք արձանագրված փաստը, այդ թվում նաեւ մեր թղթակցի զրույցը՝ տեղի աշխատակիցների հետ, միեւնույն ժամանակ առաջ էին քաշել հարցեր, թե օրինակ ո՞վ է իրավունք տվել սույն գազալցականի տերերին, կամ տիրոջը, տարին տասներկու ամիս՝ մատնոցի նման ֆռռացնել բոլորին, ու մտնել ՀՀ ազգաբնակչության գրպանը:

Մենք նաեւ նշել էինք, որ ճիշտ կլինի, որպեսզի այդ արատավորի երեւույթի՝թալանի դեմ պայքարելու գործում ներգրավվեն ՀՀ իրավապահ մարմինները, եւ ոչ ասենք՝ կոռուպցիայի դեմ պայքարի դրոշակակիր, Պանամաները նվաճած գեներալ Միհրան Պողոսյանը…

Ու նաեւ հարց էինք բարձրացրել, թե արդյ՞ոք մեկն ու մեկը փորձե՞լ է հաշվել, թե այս անկուշտ թալանչիների մեկ օրվա եկամուտով , քանի՞ վիրավոր զինվոր կարող էր բուժօգնություն ստանալ ու ոտքի կանգնել: Այնինչ, մի զինվորի կյանք փրկելու համար ազգովի գումար ենք հավաքում, որ կարողանանք մեր զինվորին կյանք վերադարձնել:

Մեր հրապարակումից մեկ օր անց, Fnews.am-ին տեղեկություններ հասան այն մասին, որ Արգամիչի անվան հետ կապվող գազալցակայանում այլեւս "չայեվոյներ"  չեն վերցնում, ասելով որ խառը պատմությունների մեջ են, եւ որ  իրենց ասել են չայեվոյի անուն չտան...

Սակայն, "չայեվոյներից" հրաժարվելուց հետո, Արգամիչի անվան հետ կապվող գազալցակայնում հաշված  րոպեների ընթացքում գազի գնի կտրուկ աճ  է նկատվել. այն գազի գինը 175 դրամի փոխարեն, դարձել է 200 դրամ:

Փաստորեն սայլը տեղից սկսեց  շարժվել...

Այլ մանրամասների մասին՝կխոսենք հաջորդիվ: