Ոչ վաղ անցյալում, կարծեմ Հովիկի ղեկավարած կանտորայից էին պատվերներ իջեցվում՝ կոնկրետ լրատվական դաշտի ներկայացուցիչների

Նախօրեին, համացանցում ոմն մի անհայտության գրառում տեղ էր գտել լրատվականներից մեկում, համաձայն որի, իբրեւ լրագրող Գայանե Զարգարյանը՝ պատվերներ է կատարում ՀՀ նախկին վարչապետ Հովիկ Աբրահամյանի եւ ՀՀ նախկին ոստիկանապետ Ալիկ Սարգսյանի դեմ:

Պարզելու համար, թե իրականում ի՞նչ թնջուկ կա լրագրող Գայանե Զարգարյանի, ՀՀ նախկին վարչապետ Հովիկ Աբրահամյանի ու ՀՀ նախկին Ոստիկանապետ Ալիկ Սարգսյանի միջեւ, զրուցեցինք Fnews.am էլ օրաթերթի տնօրեն, լրագրող Գայանե Զարգարյանի հետ:

-Գայանե, դուք տեղյակ ե՞ք, որ համացանցում գրառումներ են տարածել այն մասին, որ դուք իբրեւ պատվերներ եք կատարում Հովիկ Աբրահամյանի եւ Ալիկ Սարգսյանի դեմ, եւ որ այդ պատվերների ետեւում պաշտոնյաներ են կանգնած:

-Այո տեղյակ եմ, եւ ըմբռնումով եմ մոտենում կինոյի երկու հերոսներին՝Ալիկին էլ, Հովիկին էլ : Նրանց պարագայում ամեն բան հնարավոր է՝հատկապես ֆանտաստիկայի ժանրից:

-Ի՞նչ նկատի ունեք, երբ ասում եք՝ նրանց ըմբռնումով եք մոտենում:

-Բացատրեմ. օրինակ այն, որ այդ երկուսը մտածում են, թե ներկա քաղաքական իրողության պայմաններում, կարող են այդպիսի պահանջարկ ունենալ: Ի՞նչ էլ մեծ կարծիքի են իրենց մասին…

Ոչ վաղ անցյալում կարծեմ Հովիկի ղեկավարած կանտորայից էին պատվերներ իջեցվում՝ կոնկրետ լրատվական դաշտի ներկայացուցիչների: Այդ փաստին ականատես են եղել շատ-շատերը, եւ այդ օրվանից ի վեր, մի մեծ գաղտնիք չէ, թե ինչ աշխետալոճ է իր օրերում որդեգրել Հովիկն ու իր թայֆան:

Գրեթե համոզված եմ, որ հանրությունը, այդ թվում նաեւ քաղաքական էլիտան, ճանաչում է բոլոր տիպի
սրիկաներին, դավաճաններին, ու առնետներին: Ու ինչքան էլ, որ տարբեր մարագներից մկները փորձեն դուրս գալ՝ ու ինքնափիառվել մարդկանց վրա ցեխ շպրտելու հաշվին, միեւնույնն է նրանք հաջողության չեն հասնելու:

-Ի դեպ, ի՞նչ կասեք այն մասին, որ համացանցում տեղ գտած հրապարակման համաձայն, Ձեր լրատվականում ստահոդ տեղեկություններ են տարածվել՝ հատկապես Ալիկ Սարգսյանի ու Հովիկ Աբրահամյանի մասին:

-Այս ամեն իսկապես ինձ մասկի շոու է հիշեցնում, բայց փորձեմ պատասխանել:
Առաջինի մասով ընդամենը հարցադրում է եղել. (Հովիկ Աբրահամյան-ԱլիկՍարգսյան հանդիպման հետ կապված), ինչը հիստերիա է առաջացրել նախկին ոստիկանապետի մոտ, եւ նա էլ ստիպված «բացել է իր սիրտը»...

Իսկ երկրորդի՝ այսինքն Հովիկի դեպքում, հստակ հարցադրում է եղել, թե ինչու՞ են «ռեկետ» անում նրա անվան հետ կապվող գազալցակայանում, որտեղ վարորդներից «չորով» 500-700 դրամ գումար են պահանջում:
Ավելին, Fnews am ում տեղ գտած հրապարակումից հետո, Հովիկի անվան հետ կապվող գազալցակայանում դադարեցրել են «չայեվոյներ» պաահանջելու գործընթացը, եւ դրա փոխարեն բարձրացրել են գազի գինը՝ 175 դրամը փոխարինելով 200 դրամի:
Եւ ես շնորհակալ եմ բոլոր նրանց, ովքեր նպաստել են դադարեցնելու՝ այդ դրամաշորթությունը:

Ու նաեւ հուսով եմ, որ պատկան մարմինները, այդ ամենը անհետեւանք չեն թողնի, եւ դրամաշորթության գլխին կանգնած «պապաներին» էլ՝ ի վիճակի կլինեն ենթարկելու պատասխանատվության:

Եթե որեւէ մեկի մոտ խիստ կասկածներ կան, որ կոնկրետ տվյալ գազալցկայանում դրամաշորթություն տեղի չի ունցել, ապա մենք պատրաստ ենք քննչական մարմիններին փոխանցելու՝ ֆիքսած փաստերը, եւ համապատասխան ձայնագրությունները:
Եւ ընդհանրապես, ի գիտություն որոշ ՏԽՐԱՀՌՉԱԿՆԵՐԻ, որոնց անունները ինձ մեկ առ մեկ հայտնի է, եւ ովքեր կասկածի տակ են դնում իմ հրապարակած նյութերի ճշմարտացիությունը, թող իրենց ականջին օղ անեն, որ Գայանե Զարգարյանը՝ առանց հիմքերի որեւէ նյութի, ասելիքի մասին չի բարձրաձայնում, եւ որեւէ թեմա՝ առանց փաստերի չի հանձնում ընթերցողի դատին:

Հովիկը երեւի մեզ շփոթել է իր անվտանգության աշխատակցի գրպանում հայտնված լրատվամիջոցի հետ, ում մասին Հովիկի «աջ ձեռքը» անկաշկանդ կիսվում ու պարծենում էր, թե ոնց են լրատվական դաշտի մարդիկ հայտնվում իր ձեռքում, կամ գրպանում...

-Իսկ ըստ Ձեզ ի՞նչն է պատճառը, որ Ձեզ մեղադրում են նաեւ Ալիկ Սարգսյանի դեմ պատվեր կատարելու մեջ: Ի դեպ, լուրեր կան, որ Ալիկ Սարգսյանը սրտնեղվել է, որ իրեն ակորդեոնիստ ենք անվանել:

-Ակորդեոնիստ ա՝ասում եմ ակորդեոնիստ ա, դուդուկահար թող լիներ՝ ասեի՝ դուդուկահար ա:

Ես մեղավոր չեմ, որ Ալիկը լուրջ վրիպումներ թույլ տվեց իր ոստիկանապետ աշխատելու տարիներին, մեղավոր չեմ, որ 2007-ի խորհրդարանական ընտրություններում Արարարատի մարզում ընդամենը 6330 ձայն ստացավ…եւ վերջապես մեղավոր չեմ, որ էմոցիոնալ Ալիկը ոչ միայն նվագում , այլ նաեւ լավ երգում է…

Ես կռահում եմ, թե որոնք են Ալիկի անհանգստության պատճառները...

Ու հիմա, թե որտե՞ղ է թաքնված շան գլուխը, որ Ալիկի ու Հովիկի առվակները սկսեցին աղմկել համատեղ՝ կարծում եմ մեկնաբանություններն ուղղակի ավելորդ են :

-Եւ մի հարց էլ, եթե դեմ չեք: Ձեր կարծիքով այս արշավի հետեւում միայն Ալիկ Սարգսյանն ու Հովիկ Աբրահամյանն ե՞ն կանգնած, թե՞ էլի մարդիկ կան:

-Իմ տպավորությունն այնպիսին է, որ Հովիկ-Ալիկ անզուգական զույգին կցմցված են ինչ-որ մանր-մունր ժողգործիքներ, ովքեր ստիպված են լինելու անհարմար վիճակի մեջ հայտնվել՝քանի որ նրանց անուններն էլ պակաս ուշագրավ պատմությունների մեջ չի հոլովվում: Չի բացառվում, որ վաղվանից դրանք կդառնան մեր հրապարակումների հերոսները:

Օրինակ, ով որ լրատվականի «Պահապան Հրեշտակն» է, ու Գլխավոր հուշարարը, եւ վերջապես ով իր գրպանում ում ինչի համար է պահում, եւ այլն: Որոշ պարզաբանումներից հետո,
խոստանում եմ բացել խաղաքարտեր՝անկախ նրանից, թե դա ում քիմքին դուր չի գա:
Ով չգիտի, թե ում պոչը՝ ում ոտքի տակ է:

Զրույցը՝ Աննա Առաքելյանի