Հրազդան գետից մահացած դուրս բերված 26-ամյա երիտասարդի ընտանիքը չի հավատում ինքնասպանության վարկածին (ֆոտո) . news.am
Փետրվարի 23-ին Հրազդան գետից մահացած դուրս բերված 26-ամյա Վարդան Մնացականյանի ընտանիքը չի հավատում Վարդանի ինքնասպանության վարկածին:
Այս մասին NEWS.am-ի հետ զրույցում ասաց Վարդանի քույրը` Մերի Մնացականյանը, հավելելով, որ դեռ դատաբժշկական փորձաքննության արդյունքները չեն ստացել:
«Մեզ համար միայն կարեւոր է, որ մարդիկ իմանան, որ ինքնասպանություն չի եղել, նրա մարմինը այն վիճակում է եղել, որ փակ դագաղով են բերել եւ ճանապարհել: Ու չի կարելի առանց դատաբժշկական արդյունքները ստանալու հրապարակել, որ մարմնական վնասվածք չի ունեցել: Դա արդեն խոսում է նրա մասին, որ նախապես թելադրված է տեղեկատվությունը»,-ասաց Վարդանի քույրը:
Նա հավելեց, որ Վարդանը պարտքեր կամ կյանքին սպառնացող ինչ-որ խնդիրներ չի ունեցել:
Ավելի վաղ հաղորդել էինք, որ փետրվարի 23-ին Հրազդան գետից մահացած դուրս է բերվել 26-ամյա Վարդան Մնացականյանը, ով ոստիկանության Էրեբունու բաժնի կողմից հունվարի 30-ից որոնվում էր որպես անհետ կորած:
Նշանակվել է դատաբժշկական փորձաքննություն։ Կատարվում է քննություն։
Նշենք, որ Վարդան Մնացականյանը աշխատում էր «Ռոսիա» առեւտրի կենտրոնում՝ որպես անվտանգության աշխատակից։
Մեգերյանների ընտանիքը զբաղվել է հին գորգերի վերականգնումով և նոր գորգերի արտադրությանբ ավելի քան չորս սերունդ
Եւ այսօր իրապես մեծ է փաստաբան Լեւոն Բաղդասարյանի նման հանուն իրավունքի եւ արդարության շահը ճանաչող ու ամեն ինչից վեր...
Մարդու ամենամեծ ձեռքբերումը՝ հավատն եմ համարում.Սամվել Շահնազարյան
Գյումրիում ՔՊ-ն համայնքի ղեկավարի ընտրության օրակարգով արտահերթ նիստ է հրավիրել
Փողի «բազառ»՝ քաղաքապետի և նախարարի միջև
Տեղեկություններ ունենք՝ ՔՊ-ն դեմ է քվեարկելու Անկախության հռչակագրի անժամանցելիության մասին նախագծին...
Ինչ են հորդորել Արցախի ռազմաքաղաքական ղեկավարները Բաքվից
Ալավերդու համայնքապետարանը 3,8 մլն դրամի պայմանագրեր է կնքել ավագանու անդամի մոր ԱՁ-ի հետ․ «Հետք»
