Հրազենային վնասվածքով «Աստղիկ» բժշկական կենտրոն է տեղափոխվել 66-ամյա տղամարդ. Շենգավիթի ոստիկանները հայտնաբերել են զենքը

SHAMSHYAN.com-ի տեղեկություններով՝ երեկ՝ մարտի 24-ին, «Աստղիկ» բժշկական կենտրոնից ահազանգ է ստացվել ոստիկանության Շենգավիթի բաժին, որ հրազենային վնասվածքով իրենց մոտ է տեղափոխվել մի քաղաքացի:

Ինչպես հայտնում է ֆոտոլրագրող Գագիկ Շամշյանը, հիվանդանոց են մեկնել ոստիկանության Շենգավիթի բաժնի օպերատիվ խումբը՝ հետաքննչական բաժանմունքի հետաքննիչի գլխավորությամբ:

Ոստիկանները պարզել են, որ «աջ ոտքի վնասվածք» ախտորոշմամբ վիրավորը Երևան քաղաքի Կաշեգործների փողոցի բնակիչ, 66-ամյա Ռազմիկ Կարապետյանն է, ով, ըստ նախնական տեղեկությունների՝ վնասվածքը ստացել է 1 օր առաջ, երեկոյան՝ իր տան բակում իրեն պատկանող հրացանը փորձարկելիս անզգուշությամբ ոտքին կրակելու հետևանքով:

Փաստի առթիվ ոստիկանության Շենգավիթի բաժնի հետաքննչական բաժանմունքում նյութեր են նախապատրաստվում:

Գ. Շամշյանի տեղեկություններով՝ ոստիկանները հայտնաբերել նե նաև զենքը, որն առգրավել են, իսկ հետաքննիչի կողմից էլ նշանակվել է դատաբժշկական և դատաձգաբանական փորձաքննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: