Մասնակցեցինք ՀՀ 100-ամյակի տոնակատարությանը և Սյունաց աշխարհի սպարապետ՝ Վուրգ Ոսկանյանի 77 ամյակին

Մայիսի 28-ին, հերոսներ՝ Վուրգ Ոսկանյանի, Տիգրան Պողոսյանի, Արմենակ Ուրֆանյանի,Մերուժան Ստեփանյանի, Գոռ Խուդինյանի, Արգիշտի Գաբոյանի, Քյարամ Սլոյանի, Ռոբերտ Աբրահամյանի, Մհեր Երզնկյանի, Արամայիս Միքայելյանի, Հայկ Խաչատրյանի, Աղասի Ասատրյանի, Արման Անդրեասյանի, Տիգրան Աբգարյանի, Տիգրան Բերակչյանի, Բագրատ Ալեքսանյանի, Արամ Աբրահամյանի, Վլադիմիր Մելքոնյանի, Գրիգոր Հարությունյանի ընտանիքների, Երան մայրիկի, Արմինե Նռան Հատ Կարախանյանի հետ, բոլորով առավոտյան ժանապարհ ընկանք դեպի ՍՅՈՒՆՅԱՑ աշխարհ՝ քաղաք Սիսիան:

Այնտեղ մեզ արդեն սպասում էին, պետք է մասնակցեինք ՀՀ 100-ամյակի տոնակատարությանը և Սյունյաց  աշխարհի սպարապետ՝ Վուրգ Ոսկանյանի 77 ամյակին: Ճանապարհին կանգ առանք և խոնարհվեցինք Վայքում տեղադրված Ապրիլյան պատերազմում զոհված տղաների Հուշապատի մոտ, այնուհետև պատմական զանգերի, իսկ  մեր հաջորդ կանգառը քաղաք Սիսիանն էր:

Այո, այնտեղ մեզ սպաում էին, ուզում եմ շնորհակալություն հայտնել Սիսիանի ողջ բնակչությանն ու այն բոլոր սաներին, ովքեր ապահովեցին միջոցառման գեղարվեստական մասը, հաջելի տրամադրություն փոխանցելով ողջ ներկաներին: Հատուկ շնորհակալություն եմ ուզում հայտնել քաղաքապետ՝ Արթուր Սարգսյանին, ով կազմակերպել էր բարձր մակարդակով ընդունելություն, շատ հուզված էր միաժամանակ այդքան հերոսների ընտանիքների հետ կանգնեց կողք կողքի, չնայած այն բանին, որ Սիսիանն իսկ ունի բավականին զոհեր և հերոսներ: Քաղաքի Ազատության հրապարակում վերխոյացած կանգնած էր հզոր Վուրգի հզոր արձանը, կարծես  հայոց լեռնաշխարհը լիներ, հրապարակից քայլերթով գնացինք քաղաքի Պանթեոն,մեր խոնարհումը բերելով սիսական հերոսներին, հարևանությամբ Սուրբ Հովհաննես եկեղեցին էր, որտեղ կատարվեց հոգեհանգստյան արարողակարգ բոլոր հերոների հոգիների հանգստության և ծնողների հոգիների խաղաղության համար:

Անյուհետև  մասնակցեցինք  քաղաքապետի կողմից կազմակերպված գեղեցիկ հյուրասիրությանը, այնտեղից էլ ճանապարհվեցինք դեպի Շաքեի ջրվեժ: Բնության գեղեցկուհին հզոր շառաչով դիմավորեց բոլորիս, բնության շունչը արբերել էր բոլորիս և շատ մեծ դժվարությամբ, օրվա գեղեցիկ հույզերով ու դրական էներգիայով լի վերադարձանք ՏՈՒՆ:

Մանուշակ  Ստեփանյան