էդ ո՞վ չգիտեր, որ «օձն իր պորտով» չէր կարող մտնել Մանվելի տարածք ու զինվորի «փայ» տուշոնկան պահեստավորեր Մանվելի ամառանոցում...

Ազգային Ժողովի ՀՀԿ խմբակցության պատգամավոր, Երկրապահ կամավորների միության նախագահ Մանվել Գրիգորյանը կասկածյալի կարգավիճակում ներգրավվելուց հետո տվել էր համապատասխան ցուցմունքներ:

Պատգամավորի պաշտպան Կարո Քամալյանը լրագրողների հետ զրույցում տեղեկացրել էր, որ Մանվել Գրիգորյանը ցուցմունք է տվել և հայտնել, որ Ազգային անվտանգության ծառայության աշխատակիցների կողմից հայտնաբերված ապրանքների հետ ինքը որևէ առնչություն չունի:
«Նա հայտնել է, որ որևէ առնչություն չունի նշված ապրանքների հետ և իր համար զարմանալի է, որ այդ ապրանքներն իր սեփականության իրավունքով տարածքում են հայտնաբերվել: Իր ցուցմունքում նա նաև ավելացրել է, որ նշված տարածք ինքն այցելում էր հազվադեպ` տարին 2-3 անգամ»,- ասել է պաշտպան Քամալյանը:

Շատ հետաքրքիր է, թե մարազմատիկ ժանրի մեջ տեղավորվող այս պնդումները, ի՞նչ կերպ են ծագել «մերօրյա Բազազի » ՝ազգային խայտառակություն Մանվելի գլխում:

էս ի՞նչ Գյուլնազ տատի հեքիաթներ են պատմում մեզ, մանվելներն ու մանվելապաշտները. էդ ո՞վ չգիտեր, որ «օձն՝ իր պորտով» չէր կարող մտնել Մանվելի տարածք....ու զինվորի «փայ» տուշոնկան պահեստավորեր Մանվելի ամառանոցում...

Էդ.ո՞ր մի առյուծի սիրտ կերածն էր գլխից ձեռք քաշել` նման բան անելու. շատ լավ իմանալով, որ անձամբ ինքը՝ «տուտժե» թարմ կեր կդառնար Մանվելի գազանների համար:

Մարդիկ տարիներ շարունակ, Էջմիածին քաղաքում չեն կարողացել նույնիսկ պետական փողոցների արգելապատնեշները «հաղթահարել» ու հանգիստ խղճով տանից դուրս գալ՝ չիմանալով, թե մանվելական «մարդակերներից» ու սափրագլուխներից , ճանապարհին որին կարող է պատահաբար հանդիպեն…
Կա՞ր էս երկրում մի մարդ, որ չիմանար այն դառը ճշմարտության մասին, որ Էջմիածնի Տերը՝ «աչքը տուշոնկի մեջ մնացած» Մանվելն էր…

Ինչի՞ մասին է խոսքը, ա՛յ խելոքներ: Գոնե ամոթ, աբուռ ունեցեք:

Ու հեքիաթներն էլ ՝կողքի սենյակում պատմեք....

Հ. Գ 

Իսկ հատուկ լավ չհասկացողների, ու Մանվելի «հարճերի» համար, մի քանի հարց եմ ուզում հնչեցնել.

Ճի՞շտ է արդյոք, որ Մանվել Գրիգորյանը, տարիներ շարունակ կամայականորեն փակել է Սպանդարյան փողոցի մի մասը: Այն արգելված գոտի է եղել վարորդների համար: Քանի որ այդ փողոցում է գտնվել նրա սեփականությունը հանդիսացող՝ Գրիգոր Լուսավորիչ համալսարանը:

Արդյո՞ք քաղաքի գլխավոր պետավտոտեսուչի անմիջական մասնակցությամբ երկկողմանի փողոցի մի հատվածը փակած է եղել արգելաձողով, ու վրան էլ դված է եղել մուտքն արգելող նշան: Փողոցի փակման մասին որևէ որոշում, կարգադրություն կամ ցուցում, ասում են, որ ոչ մի ատյանում այդպես էլ չի հայտնաբերվել:

Ճի՞շտ չէ արդյոք, որ Էջմիածնի փակ փողոցի վրա գտնվող ծառուղին կանաչապատվել, գեղեցկացվել, լուսավորվել է, բայց, դրանից բնակիչները գրեթե չեն օգտվել, քանի որ ծառուղին քաղաքում հասկանալի պատճառներով հայտին է եղել Սարսափի պուրակ անունով:

Ճի՞շտ է, որ երկար ու ձիգ տարիներ, փակված են եղել Մանվել Գրիգորյանի տուն տանող փողոցների հատվածները։

Ճ՞իշտ է, որ Էջմիածնի Ալավերդյան փողոցում, ուր 2004 թվականից բնակություն է հաստատել Մանվել Գրիգորյանը, մահվան թափորի երթն անգամ արգելված է եղել: 

Եթե այսքանը ճիշտ է, ուրեմն լավ կանեք ձայններդ կտրեք, ու հասարակության աչքին քիչ երեւաք… 

Քիչ ա մնում ասեք. «տուշոնկեն ավտոյի մեջ ասել ա.Մանվելի ամառանոցի մոտ պահեք՝ իջնենք»: 

Լավ, Ձեր ամոթի սահմանը որտե՞ղ է. չնայած, որ ամոթ ունենայիք՝վաղուց …
Ի դեպ, Մանվելի Նազիկը, ով քաջարի ամուսնու ձերբակալությունից եւ իր ինքասպանության մասին տեղեկություններ պտտվելուց հետո, անմիջապես «լայվ մտավ», ուզում եմ եւս մեկ անգամ հարցնել. 
Կարող եք բացատրել, թե ինչի՞ վրա էիք այդքան հրճվում, եւ ի՞նչ առիթով էիք այդքան ուրախ ու զվարթ: Ձեր անփառունակ «վախճանի », Ձեր՞ թշվառության, թե՞ ագահության վրա:
Ակամայից հիշեցի հայտնի ասույթը. ասում են՝ագահ մարդն ու իր ագահությունը այնքան անկուշտ են, որ իրար ձեռքից էլ են պատառ փախցնում…

Գայանե  Զարգարյան