Սեմիկ Աբրահամյանն ու իր "բեսպրեդելշչիկ" թիմակիցներից մի քանիսը՝ խաթարում են Արշալույսի անդորրը.PHOTO,VIDEO

Մանվել Գրիգորյանի հայրենի գյուղում՝ Արշալույսում, արդեն մի քանի օր է, ինչ հաշված թվով մարդիկ՝ անհասկանալի պատճառաբանություններով, պահանջում են համայնքապետ Զարզանդ Գրիգորյանի հրաժարականը:

Քիչ առաջ էլ, Արշալույս համայնքում տեղի ունեցավ ակցիա՝ գյուղապետ Զարզանդ Գրիգորյանի, եւ իրենց ընդդիմություն հայտարարած թեւի՝Սեմիկ Աբրահամայանի թիմակիցների միջեւ (որոնցից մի քանիսը հատկապես),  կազմակերպված ակցիայի շրջանակներում աչքի էին ընկնում իրենց ոչ ադեկվատ ու «բեսպրեդելշչիկ» պահվածքով՝եւս մեկ անգամ պահանջելով գործող գյուղապետի հրաժարականը: Այն ինչ կատարվում էր «ընդդիմադիր» ճակատում պարզապես սարսափելի էր, եւ այդ տեսակը պայքարի այդ տրամաբանությամբ` առնվազն փորձում էր թավշյա հեղափոխության անվան տակ՝ անցնել թույլատրելիի սահմանը: 
Համենայդեպս տպավորությունն այսդպիսին էր…

Բոլորս գիտենք, որ թավշյա հեղափոխության ընթացքում հնչել են միայն սիրո եւ համերաշխության կոչեր, իսկ ահա Արշալույս համայքնում «պայքարիստների» կոչերին հաջորդում էր լկտի բառապաշարը, հայհոյախառը ջղաձգումներն, ու անտեղի «աքլորանալը»… Անհասկանալի ու ամոթալի պահավածք, որն անշուշտ թավշյա հեղափոխության տրամաբանության հետ նշույլ անգամ կապ ունենալ չի կարող: Թեեւ գինովցած ընդդիմախոսներից շատերը՝ բարձրաձայնում էին, որ իրենք էլ ուզում՝ թավշյա հեղափոխություն   իրականացնել Արշալույս համայնքում:

Զավեշտալին  այն էր, որ հենց այդ տեսակ կոչեր հնչեցնողները, իրենք էին ամենավերջին բառերով վիրավորում ու պիտակավորում Արշալույսի գյուղապետ Զարզանդ Գրիգորյանին ու նրա կողմնակիցներին, եւ եթե չլիներ ոստիկանների ճիշտ եւ կազմաերպված աշխատանքը, միանշանակ Սեմիկ Աբրահամյանի շուրջ հավաքված «գողականի տակ մնացած » «քյառթուներից ու Ռեմբոներից» մի քանիսը պատրաստ էին գյուղապետի կողմնակիցներին՝իրենց արշալույսցիներին «հում-հում» ուտել: Այնպիսի տպավորություններ էր, որ բարիկադների հակառակ կողմում փոքրիկ մանվելիկները դուրս էին եկել «ճակատամարտի» , նրանց պահվածքը՝հիշեցնում էր ճիշտ եւ ճիշտ Մանվել Գրիգորյանին՝ «փոքր ժամանակ»…

Ինչեւէ, մինչ գործող գյուղապետ Զարզանդ Գրիգորյանը փորձում էր ներկայացնել, թե ո՞րն է բուն պատճառը, որ որոշ մարդիկ այսպես ասած ընդդիմացել են, հակառակ կողմիղ Սեմիկ Աբրահամյանի կողմնակիցները սկսեցին խանգարել գյուղապետի ելույթն ու աչքի ընկան անհասկանալի վարքաբանությամբ, ինչն անշուշտ չէր վրիպում այնտեղ գտնվող բոլոր ներկաների աչքից:

Եւ միայն գյուղապետի կողմնակիցների հնչեցրած հայտարարություններից, ու «ճնշումներից» հետո միայն, հակառակ կողմը տեղի տվեց:

Արշալույսցի մի կին էլ զայրույթով ներկայացրեց, որ գյուղի անդորրը հիմնականում խաթարվել է Սեմիկ Աբրահամյանի խառնակչություններից հետո, ով ինչ որ կովերի պատմություն է հիշել ու եկել ամեն բան խճճում է իրար:

Ստորեւ ներկայացնում ենք Արշալույսում տիրող իրավիճակը՝ Տեսանյութերով: