Ահեղ էներգետիկ Կարեն Համբարձումյանը, Դերոներին «պրիզնատ գալով»` փոշիացնում է թավշյա հեղափոխության գինն ու արժեքը…

Ինձ մոտ այնպիսի տպավորություն է, որ Սյունիքի մարզում մեծ էկրան է բարձրանալու «Օպերացիա «Ы» և Շուրիկի» . օ՜յ ներեցեք, «Սյունյաց մարզպետ Կարեն Համբարձումյանի արկածները» նոր կատակերգական ֆիլմը, որի խայտառակ սաունդրեքը՝ կարծես թե պատրաստ է…

Եւ այսպես. մի քանի օր է, ինչ լուրջ քննարկման թեմա է դարձել Սյունիքի մարզպետ Կարեն Համբարձումյանի «պատմական այցը» Գորիս, երբ Գորիսի նախկին գործկոմի շենքում գտնվող Սուրիկ Խաչատրյանի աշխատասենյակում, նա իբր հանդիպել է Սուրիկ Խաչատրյանի վարորդի որդու՝ Դերենիկ Ղևոնդյանի հետ, ում անունը կապված է մի շարք աղմկահարույց պատմությունների հետ, այդ թվում՝ Սըդղի գյոլի պատմության:
Որի ժամանակ ծեծի էին ենթարկվել Զաքարյան եղբայրները եւ արդյունքում նրանցից մեկը կորցրել էր աչքը։
Եւ ահա թե այդ դարակազմիկ հանդիպման հետ կապված՝ ինչպիսիսն է եղել Կարեն Համբարձումյանի «սրտաճմլիկ մեղայականը».
«Հարգելի՛ սյունեցիներ, Տեղեկացնում եմ, որ այցի նպատակը միայն մեկն էր՝ վերականգնել գորիսեցիների ու Սյունիքի մարզպետարանի միջև խախտված կապը, և այսուհետ Գորիսում ունենալու եմ նստավայր ու առավել հասանելի եմ լինելու տեղացիների համար: Այդ գրասենյակում կունենամ նաև մշտական ներկայացուցիչ, և նա կընդունի բնակիչներին, նրանց դիմումները, բողոքները, առաջարկությունները, կապահովի հնարավորինս սերտ կապը մարզպետարանի հետ: Գորիս այցելելիս՝ այդ գրասենյակում ինքս կկատարեմ քաղաքացիների ընդունելություն»,-նշված է արձագանքի մեջ:

Ինչպես կասեր դասականը՝ «դե եկ վարդապետ ու մի խենթացիր»….

Բա չեք ասի . Կարեն Համբարձումյանը՝ նույն ինքը Սյունյաց մարզի նորաթուխ «կոմբինատորը», այսուհետ տնօրինելու է Սուրիկ Խաչատրյանի աշխատասենյակն ու Գորիսում ներկայացուցիչ է ունենալու: Եւ գիտե՞ք ինչու. որ մին զարկի՝ ջարդի (ձայներ) հազար … Եթե իհարկե, հպարտ ու արժանապատիվ գորիսեցին, առհասարակ սյունեցին՝ ականջ դնի նրա ոչինչ չասող ու դատարկ խոսքերին:

Եւ այսպես, բանից պարզվում է՝ մարզային իշխանության աթոռը «բանտիկով» ստացած Կարեն Համբարձումյանը , այսքան ժամանակ չի կարողացել իրարից տարբերել սեփական եւ պետական բուրդը: Եւ հարցերը օրինական դաշտում կարգավորելու փոխարեն, այնուամենյանիվ նախընտրել է «քուչի» մակարդակով հարցեր լուծելու եղանակը:
Այս իրողությունը մեծագույն ամոթ, եւ լուրջ ապտակ է նախ եւ առաջ ՀՀ Տարածքային նախարարությանը, ՀՀ կառավարությանը, երբ էներգետիկ ոլորտի «ծաղիկ» Կարեն Համբարձումյանը չի գիտակցում, որ ինքը այլեւս մարզի ղեկավար է, եւ որ անցել են «նիվիստների» հետ բանակցելու ժամանակները:

Խայատառակություն է, որ մարզի ղեկավար հռչակված անձ մը՝ տեղյակ չէ, որ Սուրիկ Խաչատրյանի նախկին գրասենյակը Գորիս համայնքի ենթակայության տարածք է, և ոչ թե «պապական կտակ», կամ «գրեֆ» ՝ (նախկին իշխանություններից ), որին տիրանալու համար պարոն գուբերնատորը պետք է չոքեր ՀՀԿ-ական նախկին իշխանավորի շոֆեռի «տեղակալի» դռանը…

Օրենք, իրավունք արժանապատվություն բարձրագոչ հայտարարությունների «տակ» մնացած մարզպետը, ով իր պաշտոնավարման առաջին իսկ օրվանից գոռում, գոչում էր որ եկել է մարզը փրկելու ահեղ ասպատակություններից, հանկարծ ծնկի է գալիս «շոֆեռ Դերոների» ու նրանց հրոսակ որդիների մոտ՝ փոշիացնելով ներկա իրողություններն ու թավշյա հեղափոխության այն շունչը, որ թեւածում է ամենուր:
Եւս մեկ անգամ  չէր խանգարի, որ մարզպետ Կարենը «իր ականջին օղ աներ, որ Սյունիքի մարզում՝ հատկապես Գորիս քաղաքում, տրամադրությունների էներգետիկան վաղուց է փոխվել: Եւ սյունեցին տեւական ժամանակ է, ինչ ազատվել է նախորդների լծից ու ահաբեկման մթնոլորտից՝ վայելելով ազատության շունչը: Գաղտնիք չէ, որ այդ գործում իր մեծ լուման է ունեցել Սյունյաց նախկին մարզպետ Վահե Հակոբյանը:

Եւ հիմա էլի սխալվել եք. պարո'ն էներգետիկ, որ Նոր Հայաստանում որոշել եք օրենքով նախատեսված հարցերը, լուծել ՀՀԿ-ական«մինի բուֆերների»՝ Դերոների, դերոների կոֆե դնողների, քավոր-սանիկների, եւ կամ փողոցում «պպզողների» հետ, որոնց «երգը՝ վաղուց երգվել է» :

Էլ ի՞նչ մարզի ղեկավար ու պաշտոնյա, որ այսքան ժամանակ չի իմացել մի տարրրական բան .այն է, որ իր աղերսած ներկայիս տարածքը՝ համայնքային սեփականություն է, եւ որ բացառապես համայնքի ղեկավարի առաջարկով, ու ավագանու անդամների որոշմամբ է կայացվում այդ տարածքի հետագա տնօրինման հարցը:

Ինչ է. չգիտե՞ք, որ որևէ պաշտոնյա, օրենքի խախտմամբ, ինքնուրույն չի կարող որոշել, թե ինչպես պետք է օգտագործվի համայնքային նշանակության սեփականությունը՝ առանց տեղական ինքնակառավարման մարմինների հետ համաձայնեցնելու։
Եթե չգիտեք՝ ցավալի է, իսկ եթե գիտեք, բայց ընտրում եք «Դերոյին»՝ դա արդեն լուրջ մտորումների տեղիք է տալիս՝ հատկապես քաղաքական առաջիկա մրցավազքում…
Համենայնդեպս, սյունեցին գիտի , որ անօրինակությունների ու կամայականությունների էջը այլեւս փակված է, ինչպես որ ավարտված է ՀՀԿ-ի «մատոռով» «բեսպրեդելշչիկների» առաքելությունը Սյունյաց մարզում:
Սյունեցին իր ազատության համար չի պայքարել, որ Ձեզ պես մարզային բդեշխը գա, ու ոչնչացնի այն ամենը, ինչ ձեռք է բերվել կյանքի ու «արյան» գնով…
Ի՞նչ է. Կարեն Համբարձումյանի կնքահայրը Սդղի Գյոլի գործով անցնող քյալլագյոզ Դերոն է՞ր, որ մի գրասենյակի համար պիտի անցնեիք նրա «թրի» տակով…

Պարոն մարզային իշխանի'կ. եթե անձնական վախեր ունեք՝որից այդպես էլ չեք կարողանում ձերբազատվել, դա մի վերագրեք սյունեցիներին, եւ «Ձեր արշինով որեւէ մեկին մի չափեք»…
Հետո էլ սյունեցուն ասում եք՝ ով վախենա թող գա ինձ մոտ: Երեւի վախենալուց դուք Դերոյի մոտ եք գնում, սյունեցուն էլ Ձեզ մոտ ե՞ք կանչում. Սա պարզապես նոնսենս է…
Ասեմ ՝լավ էլ դուխով եք. Սյունիքի նախկին մարզպետի շոֆեռի տղու մոտ արդեն կարում եք՝ անձամբ ներկայանալ. ահակին առաջխաղացում ա… . հիմա դուք ասեք. Սյունիքի մարզում դուք ո՞վ եք. «վախ բռնող, թե Ձեր վախերի դեմ պայքարող», կողմնորոշվեք. ինչ եք աշխատում, եւ ում մոտ…

Եւ հետո, երբ ասում եք ամրապնդում եք գորիսեցիները կապը՝ մարզպետարանի հետ: Իսկ Ձեզ ո՞վ է խաբել, որ գորիսեցիների կապը մարզպետարանի հետ խախտված է եղել։ Գորիսեցին միշտ էլ, սերտորեն համագործակցել է մարզային իշխանությունների հետ, հանուն մարզի ու քաղաքի բարօրության, այլ ոչ թե Դերոներին «պրիզնատ» գալու ու մարզային ղեկավարի ինստիտուտը փոշիացնելու համար:

Դուք չկարողացաք անգամ մարզկենտրոն Կապանում պատշաճ հանդիպում կազմակերպել, ժողովրդի կողմից ընդունված իշխանություններին ու ՀՀ վարչապետին դիմավորելիս, հիմի դրել՝ «կիկոսի մահն եք պատմում»…
Ինչեւէ, բորդյուրներին նստելու ցանկություն հայտնող , Դերոներին «աչոտ» տվող Կարեն Համբարձումյանը, այս քայլով եւս մեկ անգամ ապացուցեց, որ ինքը «իգրոկ» լինել չի կարող, քանի որ քաղաքականության մեջ կարճահասակությունը դատապարտված է անհաջողության: Անկախ նրանից՝ թե «վախտ ով կբռնի»` Դերոն, Պողոսը, թե հարեւան Պետրոսը: «Վախ բռնել չէ, ուզում ա մոմ թափեն, վախը նեց բան ա, որ»…
Հիմա որ. Դերոն,Էդոն, Զարզանդը, Աղալարը, Նանին. Զանին գան Կապան ՝ տենց ե՞ս դիմավորելու, տո ա'յ, «գերմանու աղվես»:

Հ. Գ

Նոր Հայաստանում եւս, «ֆուտլյարների» հաշվով հույս փայփայելն անհույս զբաղմունք է, քանի որ
դիմազուրկ և ոչինչ չասող պերսոնաները, ոչ ճառ ասող են, ոչ էլ զանգ կախող:
Իսկ թե ի՞նչ նկատառումներից ելնելով է նման դրածոներին հանդուժողականություն ցուցաբերվում, կարող ենք ընդամենը ենթադրություններ անել, որոնցից շատերը գուցե առավել վտանգավոր իրողություններ կարող են պարունակել…
Ի տարբերություն Ձեզ. Կարե՛ն, Սյունեցին երբեք էլ՝ ոչ մեկի առաջ ծնկի չի եկել, եւ չի ընկրկել:
Իսկ դուք ճիշտ կանեք՝ Դերոների «գիրկն ընկնելու» փոխարեն, գնահատել թավշյա հեղափոխության գինն ու արժեքը՝ միեւնույն ժամանակ կասկածի տակ չդնելով սյունեցու արժանապատվությունն ու հզորությունը:

Առայժմ՝այսքանը:

Գայանե   Զարգարյան